5 डिसेंबर ते 7 डिसेंबर 2025 या कालावधीत ही बंदी लागू राहील. मात्र, रेल्वे बोर्डाच्या मार्गदर्शक तत्त्वांनुसार, ज्येष्ठ नागरिक, आजारी प्रवासी, मुले तसेच मदतीची आवश्यकता असलेल्या महिला प्रवाशांसाठी प्लॅटफॉर्म तिकिटांची मुभा राहील.

महापरिनिर्वाण दिनानिमित्त मध्य रेल्वेवर धावणार 12 विशेष लोकल; तर ‘या’ एक्स्प्रेस रद्द, पाहा वेळापत्रक

या स्थानकांवर तिकिट सेवा बंद –

5 ते 7 डिसेंबर या स्थानकांवर सेवा बंद- छत्रपती शिवाजी महाराज टर्मिनस , दादर स्टेशन
5-6 डिसेंबर या स्थानकांवर बंद- भुसावळ , नाशिक रोड , मनमाड, जळगाव , अकोला , शेगाव, पाचोरा, बडनेरा, मलकापूर, चाळीसगाव, नागपूर

अधिकाऱ्यांनी दिली माहिती

मध्य रेल्वेचे मुख्य जनसंपर्क अधिकारी डॉ. स्वप्नील निला यांनी सांगितले की, “महापरिनिर्वाण दिनानिमित्त अनुयायांची मोठी गर्दी अपेक्षित असल्याने 13 प्रमुख स्थानकांवर प्लॅटफॉर्म तिकिट विक्री तात्पुरती बंद करण्यात येत आहे. मात्र, लहान मुले, ज्येष्ठ नागरिक, आजारी किंवा दिव्यांग प्रवाशांसोबत आलेल्या नागरिकांसाठी ही सवलत लागू राहील.” तसेच प्रवाशांनी योग्य नियोजन करून नवीन नियमांचे पालन करण्याची त्यांनी विनंती केली आहे.

रेल्वे स्थानकांवर प्रवासी होल्डिंग क्षेत्रांचा विकास

नवी दिल्ली स्थानकावर कायमस्वरूपी प्रवासी होल्डिंग क्षेत्रांना (Passenger Holding Area) यशस्वीपणे लागू केल्यानंतर, रेल्वे मंत्रालयाने देशभरातील आणखी 75 स्थानकांवर कायमस्वरूपी अशेच प्रवासी होल्डिंग क्षेत्रे उभारण्याचे उद्दिष्ट ठेवले आहे रेल्वेचे लक्ष्य आहे की 2026 च्या उत्सव हंगामापूर्वी ही सर्व होल्डिंग क्षेत्रे प्रवाशांच्या सेवेसाठी उपलब्ध करावीत.

त्याचबरोबर, या दिनानिमित्त स्थानकांवर गर्दी कमी आणि प्रवाशांना अधिकाधिक सेवा उपल्ब्ध करून देण्यासाठी मध्य रेल्वे लोकल गाड्यांच्या 13 फेऱ्या देखील वाढवल्या आहेत. मुंबईच्या दिशेने नागरिक लाखोंच्या संख्येने 6 डिसेंबररोजी येतात. दादरच्या चैत्यभूमीवर आलेल्या नागरिकांसाठी कोणत्याही प्रकारच्या समस्या येऊ नयेत या हेतूने या सेवा दिल्या जात आहेत.