न्यायालयात युक्तिवाद सुरु असताना शीतल तेजवानीला चक्कर आली

पुणेन्यायालयात हा सगळा युक्तिवाद सुरु असताना शीतल तेजवानीला अचानक चक्कर आल्याचा दावा तिने केला आहे. त्यानंतर न्यायाधीशांनी तिला समोरील खुर्चीवर बसण्यास परवानगी दिली‌. दोन्ही बाजुचे वकील युक्तीवाद करत असताना तेजवानी आरोपी म्हणून उभी होती, तेव्हा तिला चक्कर आल्याचा दावा तिने केला आहे.

आताच्या घडीची सर्वात मोठी बातमी, पुणे जमीन गैरव्यवाहर प्रकरणी मोठी कारवाई, शीतल तेजवानीला अटक

शीतल तेजवानीला मराठी समजत नाही, तरी मराठीतून नोटीस- वकिलाचा युक्तिवाद

दरम्यान, शीतल तेजवानीला मराठी समजत नाही, तरीही तीला मराठीतून नोटीस बजावण्यात आली असा तेजवानीच्या वकीलांनी कोर्टात दावा केला आहे. तर, तेजवानीला तिची बाजू मांडण्यासाठी पुरेसा वेळ दिला नाही, असा देखील दावा तिच्या वकिलांचा न्यायालयात केला आहे.

सरकारी वकिलांनी तेजवानीच्या वकिलांचा दावा खोडून काढला

यावर सरकारी वकिलांनी युक्तिवाद करत म्हटलं की, शीतल तेजवानीने महार वतनदारांचे कुल मुखत्यारपत्र घेतले होते, ते मराठीतच होते. त्यामुळे तिला मराठी येत नाही, या दाव्यात काही तथ्य नाही. तर, शीतल तेजवानीच्या जामीनाला सरकारी पक्षाच्या वकिलांकडून विरोध करण्यात आला आहे.

महार वतदनदारांच्या वंशांजाच्या वतीने जामीनाला विरोध

त्याचबरोबर मुंढव्यातील त्या जमीनीचे मुळ वतनदार असलेल्या महार वतदनदारांच्या वंशांजाच्या वतीने देखील तेजवानीच्या जामीनाला विरोध करण्यात आला आहे. तेजवानीने आमचीही फसवणूक केल्याचा महार वतनदारांच्या वकिलांनी कोर्टात दावा केला आहे.