घटनेत मृत्यू झालेल्या मुलाचे नाव साईनाथ तुळशीराम भंगारे (वय ५) असे असून, त्याची आई रेखा तुळशीराम भंगारे (वय २८) यांच्यावर उपचार सुरू आहेत. या प्रकरणी रेखा भंगारे यांनी फुरसुंगी पोलिस ठाण्यात तक्रार नोंदवली आहे.

पोलिसांनी दिलेल्या माहितीनुसार, सावली होम्स सोसायटी जवळ मोडक इंटरनॅशनल स्कूलची बस विद्यार्थ्यांना घेण्यासाठी येत होती. बस चालकाने वाहन मागे घेताना रेखा आणि त्यांचा मुलगा साईनाथ यांना धडक दिली. डोक्यावरून चाक गेल्याने साईनाथचा जागीच मृत्यू झाला. उपस्थित नागरिकांनी जखमी आई आणि मुलाला रुग्णालयात हलवले; परंतु मुलाला वाचवता आले नाही.
Father Daughter Call : मी भरपूर पैसे कमवेन, तू फक्त… लाडक्या लेकीचा मध्यरात्री फोन, वडिलांचे शब्द ऐकून तुमचेही डोळे पाणावतील
या प्रकरणात पोलिसांनी बस चालक संस्कार अनिल भोसले याला ताब्यात घेतले असून, शाळेचे संस्थापक संजय वसंत मोडक, मुख्याध्यापिका डॉ. आरती जाधव आणि बस मालक मनीषा संजय मोडक यांच्याविरोधातही गुन्हा दाखल करण्यात आला आहे. अपघातानंतर संतप्त नागरिक आणि नातेवाईकांनी पोलिस ठाण्यात धाव घेत तीव्र निषेध व्यक्त केला.

फुरसुंगी पोलिस ठाण्याचे वरिष्ठ निरीक्षक अमोल मोरे व निरीक्षक राजेश खांडे यांनी घटनास्थळी भेट दिली. पुढील तपास सहाय्यक निरीक्षक किशोर पवार करत आहेत. दरम्यान, भंगारे कुटुंब मूळचे नांदेड जिल्ह्यातील असून साईनाथ उरुळी देवाची येथील एका शाळेत शिशुगटात शिक्षण घेत होता. या दुर्घटनेने परिसरात शोककळा पसरली आहे .

समुद्रातील चालक मृत्यूप्रकरणी गुन्हा

भाऊचा धक्का येथील बांधकाम सुरू असलेल्या जेट्टीवरून टॅक्सी समुद्रात गेल्याने चालकाचा मृत्यू झाल्याप्रकरणी यलो गेट पोलिसांनी कंत्राटदार मे. करगवाल कन्स्ट्रक्शन कंपनीच्या दोन अधिकाऱ्यांविरोधात गुन्हा दाखल केला.
Dombivli News : मिस यू माऊ… मण्यारचा दंश, डोंबिवलीतील मावशी-भाचीचा तडफडून मृत्यू, कुटुंबाची मागणी अखेर मान्य
प्रकल्प प्रमुख सतीशकुमार मलाडी आणि साइट सेफ्टी ऑफिसर महेश सावंत अशी आरोपींची नावे आहेत. त्यांनी धोक्याचा इशारा देणारा फलक, बॅरिकेट्स किंवा सुरक्षारक्षक तैनात नव्हता. त्यामुळे अंधारात शर्मा यांना काहीच न दिसल्याने अपघात घडला, असे चौकशीत समोर आले.