मयत नेहा पवार हिच्या मृत्यूमागे कौमार्य चाचणी आणि जादुटोण्याचे कारण असून त्याचा पोलिसांनी तपास करावा, असे महाराष्ट्र अंनिस व विधान परिषदेच्या उप सभापती नीलम गोऱ्हे यांनी पोलिसांच्या लक्षात आणून दिले होते. त्याप्रमाणे पोलिसांनी आरोपी संतोष पवार याच्या घराची झडती घेतांना जादुटोणाचे विशिष्ट साहित्य मिळून आले होते. ज्यात नागाचा आकार असलेल्या खिळ्याला काळा बिबा आरपार केलेला आढळला. हे साहित्य कुठून आणले, अशी पोलिसांनी संशयित आरोपींकडे चौकशी केली असता त्यांनी भोंदुबाबाचे नाव सांगितले.
शाळेतून आला, वरच्या मजल्यावर गेला, दोन तासांनी आई पाहायला गेली अन् एकच किंकाळी; 13 वर्षांचा लक्ष्य जमिनीवर…
मयत नेहा पवार ही माहेरवरुन राखेसारखी भस्माची पुडी आणत होती. त्यामुळे घरात अडचणी येतात. त्याचा प्रभाव कमी करण्यासाठी व नेहाला भिती घालण्यासाठी जादुटोणा केल्याचे आरोपी संतोष पवार व जिजाबाई पवार यांनी सांगितले. त्यानुसार, पोलीस निरीक्षक सुनील पवार यांनी नाशिकच्या हिरावाडी येथुन सुनिल बबन मुंजे (वय 42 वर्ष) या मांत्रिकाला सोमवारी रात्री अटक केली.

तो त्याच्या राहत्या घरी मंदिर व दरबार करुन लोकांच्या समस्यांवर दैवी व अघोरी इलाज करण्याचे काम करत तो होता. त्याने गुन्ह्यांची कबूली दिली आहे. पोलिसांनी त्याला सहआरोपी बनविले असुन जादुटोणा विरोधी कायद्याचे कलम देखील लावण्यात आले आहेत. न्यायालयात त्याला हजर केले असता न्यायालयाने त्याला एक दिवसाची पोलीस कोठडी दिली आहे. अधिक तपास पोलीस निरीक्षक सुनील पवार करत आहे.

तर, सदर भोंदुबाबाने आणखी कुणाला फसविले आहे का त्यादिशेने देखील आता पंचवटी पोलिस तपास करत आहे. तर लोकांनी अशा अंधश्रद्धायुक्त प्रकारांपासुन दुर रहावे. कुणाची फसवणूक झाली असल्यास अंनिस किंवा पोलीसांशी संपर्क साधावा, असे आवाहन देखील करण्यात आले आहे.