मुक्ताईनगरच्या मतदान केंद्रावर आज संध्याकाळच्या सुमारास मोठा राडा झाला. भाजप आणि शिवसेनेचे कार्यकर्ते यावेळी आमनेसामने आलेले बघायला मिळाले. यावेळी पोलिसांनी मध्यस्थी करत परिस्थिती निवाळली.
शिवसेनेचे आमदार चंद्रकांत पाटील यांच्या समर्थकांनी आपल्याला मारहाण केली, असा आरोप भाजपच्या एका कार्यकर्त्याने केला आहे. यावेळी मोठा गोंधळ उडाला. या घटनेनंतर आता भाजपच्या खासदार तथा केंद्रीय राज्यमंत्री रक्षा खडसे या संबंधित मतदान केंद्रावर दाखल झाल्या. यावेळी मतदान केंद्राच्या बाहेर कार्यकर्त्यांची मोठी संख्या बघायला मिळाली.
नेमकं काय घडलं?
मुक्ताईनगरमध्ये आज सकाळपासून बोगस मतदान केलं जात असल्याचा आरोप केला जात होता. या आरोपांवरुन प्रचंड राजकारण आज सकाळपासून तापताना बघायला मिळत आहे. असं असताना आज संध्याकाळी पाच वाजेच्या सुमारास एक भाजप कार्यकर्ता मतदान करायला आला. यावेळी या भाजप कार्यकर्त्याला शिवसेनेच्या कार्यकर्त्यांनी मारहाण केल्याचा आरोप करण्यात आला आहे. यावेळी दोन्ही बाजूने संघर्ष बघायला मिळाला. प्रचंड मोठा गोंधळ या ठिकाणी झाला. यावेळी पोलिसांनी परिस्थितीवर नियंत्रण मिळवण्याचा पूरेपूर प्रयत्न केला. घटनेच्या पार्श्वभूमीवर तातडीने पोलिसांना मोठा फौजफाटा मतदान केंद्राबाहेर दाखल झाला. पोलिसांकडून दोन्ही पक्षांच्या कार्यकर्त्यांना मतदान केंद्रापासून दूर करण्यात आलं. यानंतर भाजपच्या संबंधित कार्यकर्त्याने माध्यमांना प्रतिक्रिया दिली.
सर्वात मोठी बातमी, आदित्य ठाकरे यांनी थेट नावे सांगितली, मतदारयाद्यांबाबत काय-काय म्हणाले?
भाजपचा पदाधिकारी काय म्हणाला?
“समोरचा व्यक्ती शंभरवेळा इकडे येत आहे. पोलिसांना धमकी देत आहेत. समोरचे आमदार आले. आमदारांसोबत बोलत असताना मला मारहाण झाली. मी भाजपचा अल्पसंख्याक मोर्चाचा प्रदेश सदस्य आहे. आमदार चंद्रकांत पाटील साडेतीन वाजता मतदान केंद्रावर आले. ते आतमध्ये आल्यानंतर आम्ही रक्षाताई खडसे यांच्याकडे तक्रार केली. माझ्याकडे व्हिडीओ आहे. सीसीटीव्ही कॅमेरा चालू आहे”, अशी प्रतिक्रिया भाजप पदाधिकाऱ्याने दिली.
“विषय असा आहे की, हा माझा सख्खा भाऊ आहे. तो भाजपचा कार्यकर्ता आहे. तो शेवटचं मतदान करत होता. त्यावेळी चंदू भाऊ तिकडून येत असताना शिवसैनिकांना आरडाओरड केली. मी त्यांना थांबायला सांगितलं. त्यावेळी आमदार आले. आमदार माझ्याशी बोलत असताना तिकडून त्यांच्या कार्यकर्त्यांनी माझ्यावर हल्ला केला. मला ओढत होते. माझे कपडे फाडले. हे बाळासाहेबांचे शिवसैनिक आहेत की गुंड आहेत? शासनाने त्यांच्यावर कठोर कारवाई करावी. ज्या व्यक्तीने मला मारहाण केली त्याला अटक करावी. मी त्या व्यक्तीला ओळखतो”, असा दावा संबंधित भाजप पदाधिकाऱ्याने केला.
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा