डोंबिवलीत राहणारा हा तरुण मूळचा झारखंडचा रहिवासी होता आणि त्याचे आपल्याच गावातील एका मुलीवर प्रेम होते. तिच्यासोबत लग्न करण्याची त्याची तीव्र इच्छा होती. मात्र, त्याच्या घरच्यांनी त्याला लग्नासाठी तीन वर्षे थांबायला सांगितले होते. कायद्यानुसार मुलांसाठी लग्नाचे वय 21 वर्षे असल्याने, तो 21 वर्षांचा होईपर्यंत थांबण्याचा त्यांचा सल्ला देण्यात आला होता.

शाळेतून आला, वरच्या मजल्यावर गेला, दोन तासांनी आई पाहायला गेली अन् एकच किंकाळी; 13 वर्षांचा लक्ष्य जमिनीवर…

घरच्यांचा हा सल्ला तरुणाला मान्य नव्हता. त्याला वाट पाहणं शक्य नव्हते. या कारणामुळे तो प्रचंड मानसिक तणावाखाली होता. या तणावामुळे त्याने आपल्या राहत्या घरी गळफास लावून घेतल्याची माहिती आहे.

मानपाडा पोलीस ठाण्यातील एका अधिकाऱ्याने दिलेल्या माहितीनुसार, या तरुणाने 30 नोव्हेंबर रोजी आपल्या घराच्या छताला दुपट्ट्याच्या साहाय्याने गळफास लावून घेतला. त्यानंतर त्याच्या कुटुंबीयांनी त्याला जवळच्या रुग्णालयात नेले, जिथे डॉक्टरांनी त्याला मृत घोषित केले.

तरुण झारखंडमधील नेमका कोणत्या भागातील होता आणि त्याचे नाव काय होते, याबद्दल पोलिसांनी कोणतीही माहिती दिलेली नाही. पोलिसांनी या घटनेला अपघाती मृत्यू म्हणून नोंदवले आहे आणि या प्रकरणाचा तपास सुरू केला आहे.

या घटनेमुळे परिसरात हळहळ व्यक्त केली जात आहे. अल्पवयीन वयात प्रेमसंबंध आणि लग्नासाठी पालकांचा दबाव यामुळे तरुणांवर येणारा मानसिक ताण या घटनेतून समोर आला आहे.

या घटनेचा तपास पोलीस करत आहेत. तरुणाने हे टोकाचं पाऊल उचलण्यामागे आणखी काही कारण आहे का, हे शोधण्याचा प्रयत्न केला जात आहे. घरच्यांचा दबाव, प्रेमसंबंधातील अडचणी किंवा इतर काही कारणे आहेत का, याचाही तपास पोलीस करत आहेत.