उपमुख्यमंत्री शिंदे पुढे म्हणाले की, ‘मालवणकरांना परिवर्तनाची लाट आणायची आहे. मालवणमध्ये रस्ते असतील, भुयारी गटार योजना असतील, पर्यटनाचे प्रकल्प असतील, नाट्यगृह असेल, हा सगळा शहर परिसराचा विकास करायचा आहे नगरविकास खाते आपल्याकडे आहे. येथील आमदारांनी प्रस्ताव द्यावा. मालवणचा कायापालट केल्याशिवाय राहणार नाही, हा एकनाथ शिंदे दोन्ही हातांनी देणारा आहे आहे घेणारा नाही’. या वेळी व्यासपीठावर मंत्री उदय सामंत, आमदार नीलेश राणे, रत्नागिरीचे जिल्हाप्रमुख राहुल पंडित, सिंधुदुर्ग जिल्हाप्रमुख दत्ता सामंत, माजी आमदार राजन तेली आदी पदाधिकारी उपस्थित होते.

‘तडजोड केली तर देव माफ करणार नाही, शिंदेंना कधीच सोडणार नाही’, निलेश राणेंचं तुफान भाषण

नीलेश राणेंची पाठराखण

‘कोकणात प्रसिद्ध आहे दगड चिरा आणि कोकणात शिवसेनेला सापडलेला आहे हिरा… त्याचे नाव आहे नीलेश राणे. असे म्हटले तर वावगे ठरणार नाही,’ असे म्हणत शिंदे यांनी नीलेश राणे यांच्या कामाचे जाहीरपणे कौतुक करून त्यांची पाठराखण केली. तीन डिसेंबरला फटाके फुटतील. मालवणवरती आपल्याला भगवा फडकवायचा आहे, असे आवाहन या वेळी शिंदे यांनी केले.

पुढे बोलताना शिंदे म्हणाले, पोटात एक आणि ओठात एक असे मला जमत नाही. जो काम करतो त्याच्या पाठीशी आम्ही उभे राहतो. खासदार श्रीकांत शिंदे डॉक्टर आहेत. मी डॉक्टर नसलो तरी मी अनेक ऑपरेशन केली आहेत. निलेश राणे हे शिवसेनेचे आदर्श नेते आहेत. मालवणचे भविष्य सुधारण्यासाठी ते नेहमी धावूत येतात. त्यामुळे, इलाका किसका भी हो, धमाका तो निलेश राणे करेगा, अशा शब्दांत त्यांनी राणेंचे कौतुक केले.

स्थानिक स्वराज्य संस्था निवजणुकांच्या पार्श्वभूमीवर रत्नागिरी आणि सिंधुदुर्ग जिल्ह्यात प्रचारसभा घेताना काल एकनाथ शिंदे बोलत होते.