बारामती नगरपरिषदेत उमेदवारी अर्ज भरण्याची मुदत दुपारी तीन वाजेपर्यंत होती. मात्र, ही प्रक्रिया पावणेतीन वाजताच बंद झाली होती. याशिवाय, उमेदवारी अर्ज भरतानाच्या प्रक्रियेत काही त्रुटी होत्या, यावर काही जणांनी आक्षेप घेतला होता. न्यायालयानं भाजपच्या दोन उमेदवारांना उमेदवारी अर्ज भरण्याची तारीख संपल्यानंतरही अर्ज भरण्याचे निर्देश दिले होते. तसेच नगराध्यक्षपदाच्या उमेदवारावरील आरोपाबाबतही न्यायालयीन निर्णय प्रलंबित असल्यानं निवडणूक आयोगाने वाद टाळण्यासाठी येथील निवडणूक प्रक्रिया पुढे ढकलण्याचा निर्णय घेतल्याचं सांगितलं जात आहे. निवडणूक पुढे ढकलल्याने बारामतीत पुन्हा एकदा राजकीय हालचालींना वेग येण्याची शक्यता आहे. अर्थात या प्रक्रियेमुळे बारामतीतील संबंधित सात ठिकाणी आणखी उमेदवार बिनविरोध होऊ शकतात अशी देखील चर्चा आता नव्याने जोर धरू लागली आहे.

Thane News: अजित पवारांच्या कार्यकर्त्यांना पैसे वाटताना एकनाथ शिंदेंच्या पदाधिकाऱ्यांनी रंगेहात पकडलं; दोन महिलांवर गुन्हा दाखल

निवडणुका पुढे ढकलल्या गेल्यामुळे यामुळे काही ठिकाणी प्रचाराची संधी तर काही ठिकाणी प्रचाराचा अतिरिक्त ताण उमेदवारांना सहन करावा लागणार आहे. बारामतीमध्ये तर वाढवलेली मुदत ही डोकेदुखी ठरण्याची चिन्हे आहेत. बारामतीतील प्रचाराची बहुतेक पूर्ण तयारी झालेली होती. आज म्हणजे रविवारी बारामतीतील प्रचाराची सांगता देखील उपमुख्यमंत्री अजित पवार यांच्या उपस्थितीत होणार होती. मात्र, आता निवडणूक पुढे गेल्याने प्रचार देखील पुढे गेला आहे.

Mumbai Crime: मुंबईत घरांबाबत सुरू आहे वेगळाच स्कॅम; तरुणीच्या वडिलांनी घर भाड्याने घेतलं, पण नंतर…; धक्कादायक प्रकार समोर

महाबळेश्वर आणि फलटणनंतर बारामतीची निवडणूक देखील पुढे गेली आहे. निवडणूक आयोगाने तसे अधिकृत परिपत्रक जारी केलं आहे. बारामतीमध्ये नगराध्यक्षपदाच्या उमेदवारासह सात प्रभागातील उमेदवारांविरोधात बारामतीच्या सत्र न्यायालयात याचिका दाखल करण्यात आली होती. या याचिकेचा निकाल सत्र न्यायालयानं दिला. ही याचिका न्यायालयाने फेटाळली. मात्र, नैसर्गिक न्याय तत्त्वानुसार निवडणूक आयोगाने ज्या ठिकाणी याचिका दाखल केलेली आहेत. त्याची अपिलाची मुदत संपली नसल्याने ही निवडणूक प्रक्रिया पुढे ढकलण्याचे आदेश दिले आहेत.