Chhatrapati Sambhajinagar Crime : छत्रपती संभाजीनगरमध्ये एक संतापजनक प्रकार उघडकीस आला आहे. मंगळसूत्र चोरी करणाऱ्या दोन आरोपींना पोलिसांनी अटक केली आहे. या घटनेनं परिसरात खळबळ उडाली आहे.
पोलिसांनी खाक्या दाखवताच कबुली
या प्रकरणात गुन्हे शाखेचे पोलीस निरीक्षक गजानन कल्याणकर यांनी दिलेल्या माहितीनुसार, बुधवारी दि. 26 नोव्हेंबर दुपारी गुन्हे शाखेचा पथक गस्तीवर असताना सातारा परिसरातील चेन स्नॅचिंग प्रकरणातील संशयीत आरेापी मुकुंदवाडीत फिरत असल्याची माहिती मिळाली. या गुन्हे शाखेच्या पथकाने इच्छामणी हॉटेलजवळून अर्पन उर्फ चिच्या स्वप्नील डोंगरदिवे (वय 18, रा. मुकुंदवाडी) हा दिसून आला. त्याला ताब्यात घेऊन पोलिसांनी चौकशी केली असता, तो सुरुवातीला गोलमोल उत्तरे देत होता. त्याला पोलिसांनी खाक्या दाखवताच त्याने चेन स्नॅचिंगची कबुली दिली.
Mumbai Crime : घरखर्चाला पैसे न दिल्यामुळे कडाक्याचं भांडण, संतापात बायकोला संपवलं, नंतर स्वत:ने…; मुंबई हादरली
मुलीच्या वाढदिवसाच्या खर्चासाठी प्लान केला
अर्पनने दिलेल्या माहितीनुसार, 24 नोव्हेंबर रोजी तो विक्की उर्फ हेल्मेट, अमीत उर्फ बबुआ आणि सय्यद मतीन असे चौघे सोबत नशा करत होते. त्यावेळी विक्कीने पार्टीसाठी तसेच मुलीच्या वाढदिवसासाठी पैसे नसल्याने रात्री चेन स्नॅचिंग करण्याचा प्लान बनवला. सय्यद मतीनच्या दुचाकी क्रमांक एमएच 28 बीएम 6165 नंबर प्लेट टेपने झाकून दोघे रात्रभर फिरले. सातारा परिसरात पायी जाणाऱ्या महिलेच्या गळ्यातील सोन्याची पोथ हिसकावून दोघे पळाले. मात्र थोड्याच अंतरावर गाडीची वायर तुटल्याने मंगळसूत्र चोरांनी दुचाकी रस्त्यातच सोडून ते थेट विक्कीच्या घरी पोहोचले. चोरी केलेली सोनसाखळी विक्री करण्याचे काम हेल्मेटने हाती घेतले. त्याने मुकुंदवाडीतील भरत ज्वेलर्स येथे जाऊन आई आजारी आहे असे सांगून दागिने गहाण ठेवले.
Maharashtra Politics : ठाकरेसेनेच्या उमेदवाराचा हार्ट अटॅकने मृत्यू, निवडणूक आयोगाचा मोठा निर्णय
कुख्यात ‘विक्की हेल्मेट’सह चिच्या ताब्यात
त्यातून मिळालेल्या 10 हजारातून तिघांनी नशापानात व वाढदिवस साजरा करण्यात वापरल्याचे तपासात समोर आले आहे. अर्पनकडून मिळालेल्या माहितीनुसार आरोपी विक्की उर्फ हेल्मेट गौतम सोनकांबळे याला पोलिसांनी मुकुंदवाडी रेल्वे पटरीजवळून ताब्यात घेत अटक केली. चौकशीत त्याने गुन्ह्याची कबुली दिली. त्यानंतर पथकाने भरत ज्वेलर्सच्या जयेश दिलीप सोनी याला ताब्यात घेत चौकशी केली असता त्यानेदेखील आरोपींनी दागिने गहाण ठेवल्याचे कबुल करत ते दागिने पोलिसाच्या स्वाधीन केले. ही कारवाई गुन्हे शाखेचे अर्जुन कदम, हवालदार योगेश नवसारे, विजय निकम, योगेश गुप्ता, राजेंद्र साळुंके, श्रीकांत काळे, राजेश यदमळ, जालींदार गोरे, राहुल बंगाळे यांच्या पथकाने केली.
लेखकाबद्दलप्रशांत पाटीलप्रशांत संजय पाटील २०१९ पासून डिजिटल मीडियात कार्यरत असून सध्या मटा ऑनलाइनमध्ये सिनीयर डिजिटल कंटेंट प्रोड्युसर म्हणून जबाबदारी सांभाळत असताना राज्यभरातील ग्रामीण भागातील बातम्या, राजकीय बातम्यांची आवड, हायपरलोकल बातम्या, क्राइम बातम्या अर्थात विशेष घडामोडींचा विश्लेषणात्मक आढावा घेण्याचा सतत प्रयत्न असतो. गावाखेड्याकडच्या बातम्या, शेतकऱ्यांचा प्रश्न, शेती आणि ग्रामीण जीवन हे जिव्हाळ्याचे विषय आहेत. यापूर्वी थोडक्यात न्यूज पोर्टल, आधान न्यूज पोर्टल, महाराष्ट्र टाइम्स डिजिटल आणि सकाळ मीडिया ग्रुप या संस्थांमध्येही कामाचा अनुभव असून पुण्यातील गरवारे महाविद्यालयातून पत्रकारितेत पदवी प्राप्त केली आहे.… आणखी वाचा