नाशिकच्या ओझर गावात एका भाविकाच्या दुर्दैवी मृत्यूच्या घटनेनं परिसरात मोठी खळबळ उडाली आहे. बारागाड्या ओढत असताना बारागाड्यांच्या खाली येऊन या भाविकांचा मृत्यू झालाय. चंपाषष्टीच्या दिवशी ओझर गावात बारागाड्या ओढण्याची परंपरा आहे. हा बारागाड्या ओढण्याचा उत्सव पाहण्यासाठी आसपासच्या गावातील नागरिक मोठ्या प्रमाणात गर्दी करत असतात. अशीच भाविकांची मोठी गर्दी काल बुधवारी उसळली होती. अशातच किरण कर्डक हा देखील या उत्सावात सहभागी झाला होता. यात्रा सुरु असताना मोठी गर्दी उसळली आणि बारागाड्या ओढत असताना बारागाड्यांच्या खाली येऊन या त्याचा दुर्दैवी मृत्यू झालाय.

Nashik News: कुटुंबकलहातून घडलं भयंकर, दोन्ही लेकरांचे हात घट्ट पकडून पित्याने आयुष्य संपवलं, नाशकात खळबळ

3 वर्षीय चिमुकला गॅलरीमधून खाली पडला

दरम्यान, नाशिकच्या सहदेव नगर परिसरात एक धक्कादायक घटना घडली आहे. या घडलेल्या धक्कादायक पण सुखद घटनेनी सर्वांच्या हृदयाचा ठोका हा काही क्षणासाठी चुकवला. नेमकं घडलं असं की, घराच्या पहिल्या मजल्यावर खेळत असताना घराच्या पहिल्या मजल्यावरील गॅलरीमधून एक 3 वर्षांचा चिमुरडा हा तोल जाऊन खाली पडला. तात्काळ घटना लक्षात येताच परिसरात एकच खळबळ उडाली होती. ही घटना सहदेव नगरमध्ये घडली आहे.

धावत्या रिक्षात चालक निपचित पडला, रस्त्यावरून जाणाऱ्या लोकांनी धाव घेताच…; कोल्हापुरातील धक्कादायक घटना

खेळता खेळता हा चिमुकला पहिल्या मजल्याच्या गॅलरीत आला. रस्त्यावरुन जाणाऱ्या दोन मुलांची गंमत तो बघत होता. गंमत बघता बघता तो कधी लोखंडी रेलिंगवर चढला हे त्याला समजलं नाही, आणि त्याचा तोल गेला तो खाली कोसळला. खाली पडल्याचा आवाज झाल्यानंतर त्याची आई धावत आली आणि आरडाओरडीनंतर स्थानिक नागरिकांनी धाव घेतली. या चिमुरड्याला उचलून त्याला त्याच्या घरच्यांच्याकडे सोपवलं. या संपूर्ण घटनेचा अंगावर आणणारा CCTV समोर आला आहे. सध्या हा चिमुरडा सुरक्षित असून, त्याच्यावर वैद्यकीय उपचार सुरू आहेत.