दिघवद ग्रामपंचायतीत शिपाई पदावर कार्यरत असलेले दौलत हिरे हे वडील रामभाऊ, आई मीनाबाई, पत्नी सोनाली व भाची शीतल व प्रेरणा केदारे यांच्यासमवेत दिघवद शिवारातील रोकडोबा वस्ती येथील शेतातील घरात राहतात. आईवडिलांशी बुधवारी सकाळी आठच्या सुमारास वाद झाले. या वेळी दौलत रागाच्या भरात घरामागे शेतातील गव्हाला पाणी भरणाऱ्या पत्नी सोनालीकडे गेला. त्या वेळी त्याची दोन्ही मुले प्रज्ञा व गोपाळ तिथे आली. काही कळण्याच्या आतच जवळच असलेल्या ५० फूट विहिरीत दौलतने दोन्ही मुलांचे हात धरून उडी घेतली.
Nashik Crime : लग्नाला सहा महिने, पतीचे अनैतिक संबंध, प्रेयसीसोबतचे घाणेरडे फोटो दाखवतो; नाशकात विवाहितेने आयुष्य संपवलं
मदतीसाठी आरडाओरड करण्यात आला. मात्र, विहिरीत पाणी असल्याने तिघेही तळात बुडाले. रायपूर येथील पोहणाऱ्या (स्कुबा) पथकाला पाचारण करण्यात आले. त्यांनी दौलत व त्याची दोन्ही मुले प्रज्ञा व गोपाळचे मृतदेह बाहेर काढले.
Nashik News : पालकांचं छत्र हरपलं, 17 वर्ष अनाथाश्रमात, उज्ज्वलाला दिलदार नवरा मिळाला, कन्यादान कुणी केलं?
दौलतच्या आईवडिलांना अटक
या वेळी दौलतची पत्नी सोनाली व माहेरच्या मंडळींनी सासरा रामभाऊ व सासू मीनाबाईवर कारवाई करावी, अशी मागणी लावून धरल्याने काही काळ तणाव निर्माण झाला होता. सोनालीच्या फिर्यादीवरून दौलतच्या आईवडिलांवर गुन्हा दाखल केल्यानंतर नातेवाइकांनी शवविच्छेदनानंतर मृतदेह ताब्यात घेतले. दिघवद येथे सायंकाळी साडेपाचच्या सुमारास दौलतसह दोन्ही मुलांवर अंत्यसंस्कार करण्यात आले. या प्रकरणी रामभाऊ व मीनाबाई या दौलतच्या आईवडिलांना पोलिसांनी अटक केली.