मिळालेल्या माहितीनुसार, रात्रीच्या वेळी 10 ते 15 अज्ञात हल्लेखोरांनी तोंडाला रुमाल बांधून लाठ्या, तलवार, पिस्तूल आणि सत्तूरचा वापर करत राम खाडे यांच्यासह त्यांच्या सहकाऱ्यांवर हल्ला केला. खाडे यांचे जखमी सहकारी दीपक खिळे यांनी हा हल्ला राजकीय वैमनस्यातून आणि खाडे यांनी उघडकीस आणलेल्या भ्रष्टाचाराच्या तक्रारींमुळे घडवून आणल्याचा आरोप केला आहे.

प्रकृती गंभीर

शरद पवारांच्या राष्ट्रवादी काँग्रेसमध्ये काम करणारे राम खाडे हे सामाजिक कार्यातही सक्रिय आहेत. हल्ल्यानंतर त्यांची प्रकृती गंभीर असल्याने त्यांना तातडीने रुग्णालयात दाखल करण्यात आलं होतं. अहिल्यानगरमधील एका खाजगी रुग्णालयात त्यांना दाखल करण्यात आले होते. मात्र, त्यांची तब्येत अधिक बिघडल्याने डॉक्टरांनी त्यांना पुढील उपचारांसाठी पुण्याला हलवण्याचा सल्ला दिला. हा हल्ला नगर-सोलापूर महामार्गावर मांदळी गावाजवळ झाला.

हल्ल्याची घटना रात्रीच्या वेळी घडली. राम खाडे आणि त्यांचे सहकारी हॉटेलमध्ये जेवण करून नगरकडे परतत असताना हा हल्ला झाला. सुमारे 10 ते 15 हल्लेखोरांनी अचानकपणे त्यांच्यावर हल्ला केला. या हल्लेखोरांनी आपले चेहरे लपवण्यासाठी तोंडाला रुमाल बांधले होते. त्यांनी लाठ्या, तलवारी, पिस्तूल आणि सत्तूरसारखी शस्त्रे वापरली. या अचानक झालेल्या हल्ल्यात राम खाडे यांच्यासह त्यांचे तीन साथीदार गंभीर जखमी झाले.

दरम्यान, सर्व जखमींना तातडीने जवळच्या एका खाजगी रुग्णालयात नेण्यात आले. तिथे प्राथमिक उपचार देण्यात आले. मात्र, राम खाडे यांच्या जखमा अधिक गंभीर असल्याने आणि त्यांची प्रकृती खालावल्याने त्यांना अधिक चांगल्या उपचारांसाठी पुण्याला हलवण्याचा निर्णय घेण्यात आला. घटनास्थळाचे व्हिडिओ फुटेज तपासले असता, तिथे सत्तूर असल्याचे दिसून आले आहे. हे हल्लेखोर कोण होते आणि त्यांनी हा हल्ला का केला, याचा तपास पोलीस करत आहेत.