कल्याण बापूराव काळे वय ५८ असे खून झालेल्या व्यक्तीचे नाव आहे. तर राम कल्याण काळे असे आरोपी मुलाचे नाव आहे. याप्रकरणी पोलिसांनी दिलेल्या माहितीनुसार, कल्याण काळे हे पैठण तालुक्यातील कडेठाण येथे पत्नी व मुलासह राहतात. त्यांचा मोठा मुलगा ऊसतोडीसाठी बाहेरगावी गेला आहे. दहा दिवसांपूर्वी कल्याण काळे हे दारू पिऊन घरी आले. त्यांच्यामध्ये वडील नेहमी दारू पिऊन घरी येण्यावरून वाद होत होते. दहा दिवसांपूर्वी बापलेकांमध्ये त्यावरुनच पुन्हा वाद झाला. मुलाच्या बेदम मारहाणीमध्ये कल्याण काळे यांचा मृत्यू झाला.

Mhada Update: पुणेकरांनो म्हाडाकडून शेवटची संधी, 4186 घरांसाठी सोडत; अर्जाची मुदत वाढवली, शेवटची तारीख किती?

ही बाब बाहेर कोणाला कळू नये, यासाठी रामने वडिलांचा मृतदेह घरातच पुरून टाकला. रामच्या पत्नीचे मानसिक संतुलन बिघडलेले असल्याने, त्यांच्याकडून माहिती मिळाली नाही. मात्र दहा दिवस उलटल्यानंतर परिसरामध्ये दुर्गंधी पसरली. या प्रकाराची माहिती नागरिकांनी पोलिसांना दिली.

घटनेची माहिती मिळाल्यानंतर महसूल विभाग, पोलीस व फॉरेन्सिक विभागाने घटनास्थळाची पाहणी केली. घरात पुरलेला मृतदेह बाहेर काढून पंचनामा करण्यात आला. मुलाने मारहाण केल्याचा संशय आल्याने पोलिसांनी राम याला विचारपूस केली असता त्याने खून केल्याची कबुली दिली आहे. वडील रोज दारू पिऊन वाद घालत असल्याने खून केला असल्याचे त्याने सांगितले आहे. या प्रकरणी पाचोड पोलीस ठाण्यामध्ये गुन्हा दाखल करण्यात आला असून पोलिसांनी आरोपीला बेड्या ठोकल्या आहेत.

मयताने महिलेच्या अत्याचार प्रकरणात भोगली होती शिक्षा…

मुलाच्या मारहाणीत मृत्यू झालेल्या कल्याण काळे यांनी पंधरा वर्षांपूर्वी महिलेवर अत्याचार केल्याप्रकरणी गुन्हा दाखल झाला होता. या गुन्ह्यात कल्याण काळेना शिक्षा झाली होती. शिक्षा भोगून तुरुंगातून ते बाहेर आले होते, अशी माहिती परिसरातील नागरिकांनी दिली आहे.