‘बीड जिल्ह्यात मी मागच्या सहा महिन्यापूर्वी आलो होतो. आणि इथून सद्भावना यात्रा काढली होती. आताही पुन्हा एकदा आलो आहे. इथल्या जातीयवादाला मूठमाती आपण द्यावी,’ असे आवाहनही काँग्रेसचे प्रदेशाध्यक्ष हर्षवर्धन सपकाळ यांनी यावेळी केले.

त्या वेळी ते बोलत होते. ते म्हणाले, ‘राज्यात मराठा विरुद्ध ओबीसी, व्हिजेएन्टी विरुद्ध आदिवासी अशी भांडण लावण्याचे उद्योग मुख्यमंत्री फडणवीस करत आहेत. बीड जिल्ह्यातील अनेक नेत्यांना खिशात घेऊन फिरतात. त्यामुळे अशा जातीयवादी लोकांना मूठमाती देण्याची ही वेळ आहे.सर्व धर्माचा आदर आणी सोबत घेऊन जाणारा विचार आपण जोपसला पाहिजे असे सांगून काँग्रेस पक्षाच्या नगराध्यक्ष व नगरसेवक पदाच्या सर्व अधिकृत उमेदवारांना विजयी करण्याचे आवाहन त्यांनी या वेळी उपस्थितांना केले.
‘राणे कुटुंबाचे मन दुखावू नका, एकनाथ शिंदेंचा आदेश’, उदय सामंत यांचा गौप्यस्फोट
या वेळी माजी मंत्री अशोक पाटील, जिल्हाध्यक्ष राहुल सोनावणे, प्रदेश सचिव आदित्य पाटील, माजी शहराध्यक्ष बहादूर भाई , तालुकाध्यक्ष प्रकाश देशमुख, प्रकाश मुंडे तसेच कॉंग्रेस पक्षाचे स्थानिक नेते, पदाधिकारी व कार्यकर्ते मोठ्या संख्येने उपस्थित होते.सपकाळ यांच्या वक्तव्याचा निषेध
परभणी : नगरपालिका निवडणुकीच्या प्रचारार्थ सेलू येथील सभेत काँग्रेस प्रदेशाध्यक्ष हर्षवर्धन सपकाळ यांनी महाराष्ट्राचे मुख्यमंत्री देवेंद्र फडणवीस यांच्या संदर्भात केलेल्या वक्तव्याचा सेलू भारतीय जनता पार्टीच्या वतीने शनिवारी, २२ नोव्हेंबर रोजी जिंतूर नाका परिसरात तीव्र निषेध करण्यात आला. सपकाळ यांची जीभ घसरल्याने त्यांनी फडणवीसांविषयी वापरलेले अपशब्द अमान्य असून, त्यांच्या विरोधात काळे झेंडे दाखवून भाजप कार्यकर्त्यांनी रोष व्यक्त केला. या निषेध आंदोलनात भाजप तालुकाध्यक्ष गणेश काटकर यांच्या नेतृत्वाखाली भाजपाच्या उमेदवारांसह अनेक कार्यकार्त्यांनी सहभाग घेतला.