हितला दम लागला

घटनेची माहिती नातेवाईक अमित जयंत नाईक (वय 48) यांनी अलिबाग पोलिसांना दिली. अमित नाईक हे त्यांच्या कुटुंबासह काल शुक्रवारी रोजी थळ येथे सुट्टीसाठी आले होते. आज शनिवारी रोजी सकाळी सुमारे 10 वाजण्याच्या सुमारास, अमित यांच्या मुलीसोबत हित पोहण्यासाठी तलावात उतरला. काही वेळात मुलगी सुरक्षितपणे बाहेर आली, मात्र, हितला दम लागून तो पाण्यात बुडू लागला.
आधी प्रेमात पाडलं, नंतर आयुष्यातून उठवण्याचा प्रयत्न; तरुणीसोबत धक्कादायक प्रकार, अश्लील व्हिडिओ तयार केला अन्…

सुट्टीवर आलेल्या तरुणाचा अंत

अमित यांच्या पत्नी आणि नातेवाईकांनी मदतीसाठी आरडाओरडा केला. आवाज ऐकून परिसरातील नागरिक धावत आले, पण पाणी खोल असल्यामुळे शोधणे कठीण होते. काही वेळात RCF फायर ब्रिगेड टीम आणि अग्निशमन दलाचे कर्मचारी घटनास्थळी पोहोचले. स्थानिक नागरिक भरत विरभद्र राऊत आणि राम विरभद्र राऊत यांनी देखील धाडसीपणाणे हितला बाहेर काढलं, मात्र बेशुद्ध अवस्थेत असल्याने त्यास तातडीने अलिबाग जिल्हा रुग्णालयात नेण्यात आलं. वैद्यकीय अधिकाऱ्यांनी तपासून त्याला मृत घोषित केलं. मृतदेहाचं शवविच्छेदन करून मतदेह नातेवाईकांच्या ताब्यात दिला आहे, तर अपमृत्यूची नोंद पोलिसांनी केली आहे.

स्थानिकांनी म्हटलं की, समुद्रकिनारे, तलाव आणि धरणांमध्ये सतत अपघात होत आहेत. पाण्यात उतरताना सावधगिरी बाळगणे, जीवनरक्षक उपकरणे वापरणे आणि जलसुरक्षा उपाय अधिक कडक करणे आवश्यक आहे. या प्रकारामुळे सुट्टीचा आनंद दु:खात बदलला असून, नागरिक आणि पर्यटकांना सतर्क राहण्याचं आवाहन करण्यात आलं आहे.

वडिलांचा भंगाराचा व्यवसाय, पैसे नसल्यानं बहि‍णींनी शिक्षण सोडलं, रोशनने आई-बापाचं नाव ‘रोशन’ केलं; कुटुंबासह अख्ख्या गावच्या डोळ्यात आनंदाश्रू

रक्ताचं पाणी करत मेहनत केली, पण…

नागोठण्यातून एक दुर्दैवी घटना समोर आली आहे. एका दूध व्यवसायिकाने कर्जाच्या ओझातून नैराश्यात जावून स्वत:ला संपवून घेतल्याची धक्कादायक घटना समोर आली आहे. या घटनेमुळे परिसरात हळहळ व्यक्त केली जात आहे.