पुण्यामध्ये म्हाडाच्या 4186 सदनिका तयार आहेत, ज्यासाठी आत्तापर्यंत तब्बल 1 लाख 82 हजार 781 अर्ज म्हाडाला प्राप्त झालेले आहेत. त्यापैकी 1,33,885 अर्जांनी अनामत रकमही भरलेली आहे. या घरांसाठी आणखी अनेकांना अर्ज करायचे आहेत. त्याचा विचार करुनच म्हाडाने मुदत वाढवून देण्याचा हा निर्णय घेतला आहे.

Pune News: आंदेकर टोळीचा खेळ खल्लास! ज्या पेठेत गाजवली हुकुमत पोलिसांनी तिथेच धिंड, पोलिसांनी आधी… पेठेत काय घडलं?

पिंपरी चिंचवड, पीएमआरडीए, सोलापूर, कोल्हापूर व सांगली जिल्ह्यातील विविध गृहनिर्माण योजनांची पुणे गृहनिर्माण व क्षेत्रविकास मंडळाने सोडत जाहीर केली आहे. त्यामुळे एकूण 4186 सदनिकांच्या विक्रीकरता अर्ज मागवले आहेत. आता या घरांसाठी अर्ज करणाऱ्यांसाठी ही मुदत 30 नोव्हेंबर 2025 पर्यंत असणार आहे. त्यामुळे म्हाडाच्या या निर्णयामुळे पुण्यात घराचं स्वप्न पाहणाऱ्या अनेकांना आणखी एक संधी मिळाली आहे.

म्हाडा मंडळाने आता सदनिका विक्रीसाठी ऑनलाईन संगणकीय सोडत 11 डिसेंबर 2025 रोजी दुपारी 12 वाजता काढण्यात येणार आहे. त्यामुळे तुम्लाहा आता अर्ज 30 नोव्हेंबरपर्यंत करायचा आहे. 1 डिसेंबर 2025 रोजी संबंधित बँकेच्या कार्यालयीन वेळेपर्यंत RTGS किंवा NEFT द्वारे अनामत रक्कम भरायची आहे.

प्रक्रियेतील तांत्रिक कारणांमुळे बऱ्याच अर्जदारांच्या कागदपत्रांमध्ये पडताळणीसाठी अडचणी येत होत्या. अनेकांची कागदपत्रे तयार नव्हती. यामुळे अर्ज करण्यासाठी आणखी काही वेळ मिळावा, अशी मागणी नागरिकांची होती. त्या मागणीचा विचार करुन म्हाडाने आता मुदतवाढ दिली आहे. सोडतीसाठीचे नवे वेळापत्रक म्हाडाच्या वेबसाईटवर उपलब्ध असणार आहे.