सदर घटना ही वाऱ्यासारखी संपूर्ण जालना शहरात व परिसरात पसरली व पोलिसांना सुद्धा याची माहिती शाळेकडून देण्यात आली. पोलिसांनी तात्काळ घटनास्थळी धाव घेऊन पाहणी करत पंचनामा केला आहे. तर आत्महत्येचं कारण अद्याप अस्पष्ट असलं तरी शाळेतील मुलांच्या छेडछाडीला कंटाळून आणि शिक्षकांच्या दुर्लक्षामुळे मुलीने आत्महत्या केल्याचा आरोप तिच्या वडिलांनी केलाय. काही दिवसांपूर्वी आरोहीला शाळेतीलच काही विद्यार्थी त्रास देत होते याची तक्रार आरोहिणी शिक्षकांकडे केली होती. मात्र शिक्षकांनी तिच्या तक्रारीकडे दुर्लक्ष केली आणि तिला आत्महत्या करण्यास प्रवृत्त केलं असा आरोप आरोहीच्या वडिलांनी केला आहे.
‘भाजी घेऊन येतो,’ म्हणत घरातून निघाला; भरबाजारात सुमोमधून चौघे उतरले अन्… जालनामध्ये थरकाप उडवणारी घटना
दरम्यान शाळेच्या मुख्याध्यापकांनी हे आरोप फेटाळून लावले आहेत, कारण आम्ही प्रत्येक विद्यार्थ्यांना आपुलकीची वागणूक देतो. त्यांची अडचणी आम्ही समजून घेतो असे म्हणत शाळेने हे सर्व आरोप फेटाळून लावले आहे. या प्रकरणी पोलिसांनी अकस्मात मृत्यूची नोंद केली असून आत्महत्याच नेमकं काय कारण आहे याचा शोध पोलीस घेत आहेत. तर आत्महत्या केलेल्या आरोहीचे वडील दीपक बिडलान यांनी टाहो फोडला. माझ्या मुलीची आत्महत्या ही शाळेच्या शिक्षकांच्या व विद्यार्थ्यांच्या त्रासाला कंटाळून झालेली आहे त्यामुळे त्यांच्यावर कारवाई करावी अशी मागणी केली. तर शाळेचे शिक्षक सतीश देशमुख (मुख्याध्यापक) सी टी एम के गुजराती शाळा, यांनी सर्व आरोप फेटाळून लावले आहे. तर याप्रकरणी योग्य ती चौकशी करून सत्य बाहेर आणून अशी माहिती सदर बाजार पोलीस ठाण्याचे पोलिस निरीक्षक संदीप भारती यांनी महाराष्ट्र टाईम्ससोबत बोलताना म्हटलं आहे.