Pune Shirur Elevated Road : पुणे-अहिल्यानगर हायवेवरील शिरूरपर्यंत वाहनांची संख्या वाढल्याने या भागात वाहतूक कोंडी व्हायची
या मार्गासोबतच रामवाडी ते वाघोली (विठ्ठलवाडी) दरम्यानच्या मेट्रोचे काम समन्वयाने पूर्ण करावे, अशा सूचना मुख्यमंत्री देवेंद्र फडणवीस यांनी दिल्या आहेत.
पुणे ते अहिल्यानगर महामार्गावरील शिरूरपर्यंत वाहनांची संख्या वाढल्याने या भागात वाहतूक कोंडी व्हायची. त्यावर तोडगा काढण्यासाठी शिरूरपर्यंत उन्नत महामार्ग बांधण्याचा प्रस्ताव पुढे आला होता. हे काम राष्ट्रीय महामार्ग प्राधिरणाकडून (एनएचएआय) केले जाणार होते. आता ‘राज्य पायाभूत सुविधा विकास महामंडळा’कडे (एमएसआयडीसी) दिले आहे. अखेर, या कामाला सरकारने मंजुरी दिली.
या बैठकीला मुख्यमंत्री फडणवीस यांच्यासह उपमुख्यमंत्री एकनाथ शिंदे, उपमुख्यमंत्री अजित पवार, महसूल मंत्री चंद्रशेखर बावनकुळे, सार्वजनिक बांधकाम मंत्री शिवेंद्रसिंह राजे भोसले, मुख्य सचिव राजेशकुमार उपस्थित होते. बैठकीत सार्वजनिक बांधकाम विभागाच्या प्रमुख सचिव मनीषा म्हैसकर यांनी सादरीकरण केले.
Ladki Bahin : फडणवीस सरकारकडून लाडक्या बहिणींना 43 दिवसांचं गिफ्ट, लाभार्थींच्या भावाचं ‘आधार’ चालणार का? युजर्सना शंका
मेट्रो मार्गाचे काम दोन टप्प्यांत
दरम्यान, रामवाडी ते वाघोली (विठ्ठलवाडी) मेट्रो मार्गाला केंद्राकडून मंजुरी मिळूनही उन्नत मार्ग आणि मेट्रोचे काम कोणी करायचे यावरून रखडलेल्या कामाचा अखेर निर्णय झाला आहे. या कामाचे विभाजन होणार असून, महाराष्ट्र मेट्रो रेल्वे कॉर्पोरेशन (महामेट्रो) आणि राज्य पायाभूत सुविधा विकास महामंडळ (एमएसआयडीसी) या दोन्ही सरकारी यंत्रणा वेगवेगळ्या टप्प्यातील कामं करणार आहेत. त्यामुळे उलट या मार्गाचे काम वेळेवर पूर्ण होईल का, अशी शंका उपस्थित केली जातेय.
रामवाडी ते वाघोली दरम्यानच्या साधारणत: १२ किमी मार्गिकेला केंद्र सरकारने यापूर्वीच मान्यता दिली होती. मात्र, याच मार्गावर शिरूरपर्यंत वाहनांसाठी उन्नत मार्ग बांधण्याचा पायाभूत सुविधा महामंडळाचा प्रस्ताव आहे. शहराच्या हद्दीत मेट्रोच्या मार्गिकेचे काम कोणी करायचे, असा प्रश्न अनेक महिन्यांपासून अनुत्तरित राहिला होता. अखेर मंगळवारच्या मंत्रिमंडळ बैठकीत त्याला मान्यता देण्यात आली असून दोन वेगवेगळ्या पद्धतीने या १२ किमी मेट्रो मार्गिकेचे बांधकाम केले जाणार आहे.Pune News : राजकारण बाजूला सोडलं, शिंदेंच्या उमेदवार मनिषा गोरेंना ठाकरेंचा पाठिंबा, कारण वाचून अभिमान वाटेल
विमाननगर ते खराडी बायपासपर्यंतचे उन्नत रस्ता आणि मेट्रो मार्गाचे काम ‘महामेट्रो’कडून केले जाणार आहे, तर खराडी बायपास ते वाघोली-विठ्ठलवाडी हा ७.४० किमी लांबीचा रस्ता ‘महामेट्रो’ आणि ‘एमएसआयडीसी’ समन्वयाने करणार आहेत.
लेखकाबद्दलअनिश बेंद्रेअनिश सतीश बेंद्रे, महाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत आहेत. गेल्या तीन वर्षांपासून ते मटासोबत काम करत आहेत. राजकीय, गुन्हेगारी आणि मनोरंजन या विषयातील बातम्यांमध्ये त्यांचा विशेष हातखंडा आहे. ब्रेकिंग न्यूजसोबतच निवडणूक विषयक विश्लेषण करण्यात त्यांना अधिक रस आहे. त्यांनी झेविअर्स कॉलेजमधून मास कम्युनिकेशनचे पदव्युत्तर शिक्षण घेतले आहे. आतापर्यंत एबीपी माझा, टीव्ही9 मराठीसह पत्रकारिता क्षेत्रात 12 वर्षांहून अधिक काळचा अनुभव त्यांना आहे… आणखी वाचा