येथे बंद राहणार पाणी
नवीन पर्वती जलशुद्धीकरण केंद्र (५०० एमएलडी), जुने पर्वती जलशुद्धीकरण केंद्र व त्याअंतर्गत पर्वती एमएलआर टाकी परिसर, पर्वती एचएलआर टाकी परिसर व पर्वती एलएलआर टाकी परिसर, पर्वती टँकर पॉइंट, वडगाव जलशुद्धीकरण केंद्र, राजीव गांधी पंपिंग स्टेशन, लष्कर जलकेंद्र, चिखली जलकेंद्र, वारजे जलकेंद्र व त्या अखत्यारितील चांदणी चौक टाकी परिसर, गांधी भवन टाकी परिसर, पॅनकार्ड क्लब जीएसआर टाकी परिसर, वारजे जलकेंद्र लगत जीएसआर टाकी परिसर, शिवणे इंडस्ट्रीज परिसर, एसएनडीटी एचएलआर टाकी व एमएलआर टाकी परिसर, चतु:शृंगी टाकी परिसर, होळकर जलकेंद्र, खडकवासला जॅकवेल वारजे फेज क्र. १ व २, गणपती माथा, जुने वारजे जलकेंद्र व नव्याने समाविष्ट गावे बूस्टर पंपिगअंतर्गत येणारा परिसर येथील पाणीपुरवठा बंद राहणार आहे.
Pune Crime: पुण्यात सिंहगड कॉलेजजवळच 22 वर्षीय तरुणाची हत्या; दगडाने ठेचलं, कोयत्याने वार केले अन्…
खडकवासला धरण ते पर्वती जलकेंद्रापर्यंत तीन हजार मिलिमीटर व्यासाची जलवाहिनी टाकण्यात आलेली आहे. खडकवासला धरणातून एक हजार ४०० मिलिमीटर व्यासाच्या दोन जलवाहिन्या तीन हजार मिलिमीटर व्यासाच्या जलवाहिनीला जोडण्यात आल्या आहेत.

खडकवासला ते पर्वती तीन हजार मिलिमीटर व्यासाच्या वाहिनीवरील फ्लोमीटर बसविणे व एक हजार ४०० मिलिमीटर वाहिनीवरील बटरफ्लाय व्हॉल्व्ह बसविणे या कामांसाठी एक हजार ४०० मिलिमीटर व्यासाचे व्हॉल्व्ह पूर्ण बंद होत आहेत. त्याच्या तपासणीसाठी व वडगाव जलशु‌द्धीकरण केंद्र ‘फेज २’ची क्षमता वाढविण्यासाठी नवीन संपवेल टाकीच्या भिंतीला कोअर कटिंग करण्यासाठी; तसेच देखभाल-दुरुस्तीच्या इतर कामांसाठी धरणातून होणारा संपूर्ण पाणीपुरवठा सकाळी सहा ते मध्यरात्री १२ वाजेपर्यंत बंद ठेवावा लागणार आहे. त्यासाठी हा निर्णय घेण्यात आल्याचे महापालिकेच्या पाणीपुरवठा विभागातर्फे कळविण्यात आले आहे.
Maharashtra Politics : महाराष्ट्रात खळबळ उडवणारी बातमी, दोन्ही शिवसेनेची युती, ठाकरेंचा शिलेदार म्हणाला राजकारण बाजूला ठेवून…
महापालिकेचे आवाहन
दरम्यान, पाणीपुरवठा बंद राहणार असल्याने नागरिकांनी पाण्याचा काटकसरीने वापर करण्याचे आवाहन महापालिकेकडून करण्यात आले आहे.