Baramati politics: बारामती नगर परिषदेच्या नगराध्यक्ष पदासाठी राष्ट्रवादी काँग्रेसने सचिन सदाशिव सातव यांना उमेदवारी दिली आहे. भाजपने गोविंद देवकाते यांना मैदानात उतरवले असून, महाविकास आघाडीही ओबीसी कार्ड खेळण्याची शक्यता आहे.
अजित पवारांच्या राष्ट्रवादी काँग्रेसने बारामती नगरपरिषदेसाठी नगराध्यक्ष म्हणून सचिन सदाशिव सातव यांना निवडणूक रिंगणात उतरवले आहे. भारतीय जनता पक्षाने राष्ट्रीय संघाचे येथील पदाधिकारी व भाजपचे कट्टर समर्थक गोविंद देवकाते यांना नगराध्यक्ष पदासाठी पुढे केले आहे. राष्ट्रवादी काँग्रेस शरदचंद्र पवार पक्ष, शिवसेना उद्धव बाळासाहेब ठाकरे, काँग्रेस, वंचित बहुजन आघाडी या सर्वांच्या वतीने महाविकास आघाडी मार्फत उमेदवार उभे करण्यात आले आहेत. यामध्ये महाविकास आघाडीदेखील सर्वसाधारण जागेसाठी ओबीसी कार्ड खेळण्याची शक्यता आहे. त्यांनी नगराध्यक्ष पदाचा उमेदवार उद्या जाहीर करण्याचे सुचित केले आहे.
महायुतीचंही बिनसलं, महाविकास आघाडीही नाही; ठाकरेंनाच जमलं! मनसेचे उमेदवार मशाल चिन्हावर लढणार निवडणूक
विधानसभा व लोकसभा निवडणुकीनंतर माळेगाव कारखान्यामध्ये पवार विरुद्ध पवार असा सामना झाला आणि यामध्ये राष्ट्रवादी शरदचंद्र पवार पक्षाला पराभवाचा मोठा सामना करावा लागला. आता बारामती नगरपरिषदेच्या निवडणुकीत देखील राष्ट्रवादी काँग्रेस शरचंद्र पवार पक्षाने विरोधकांची मोट बांधत उमेदवार नगरपरिषदेच्या रिंगणात उतरवले आहेत. आता देखील पवार विरुद्ध पवार हा सामना रंगण्याची शक्यता आहे. मात्र, यावेळी तरी राष्ट्रवादी काँग्रेस शरदचंद्र पवार पक्षाच्या पदरात किती यश पडते, हे पाहणे उत्सुकतेचे ठरेल. या निमित्ताने बारामती नगरपरिषदेची निवडणूक राज्यात चर्चिली जाणार हे मात्र नक्की!
राष्ट्रवादीची उमेदवार यादी : नगराध्यक्षपद : सचिन सदाशिव सातव, प्रभाग क्र. १ : मनीषा समीर चव्हाण, अविनाश निकाळजे, प्रभाग क्र. २ : जय पाटील, अनुप्रिता डांगे, प्रभाग क्र. ३ : प्रवीण दत्तू माने, रुपाली नवनाथ मलगुंडे, प्रभाग क्र. ४ : विष्णुपंत चौधर, संपदा चौधर, प्रभाग क्र. ५ : किशोर आप्पासाहेब मासाळ, ऋतुजा प्रताप पागळे, प्रभाग क्र. ६ : अभिजीत जाधव, धनश्री अविनाश बांदल, प्रभाग क्र. ७ : प्रसाद खारतुडे, भारती विश्वास शेळके, प्रभाग क्र. ८ : अमर धुमाळ, श्वेता योगेश नाळे, प्रभाग क्र. ९ : विशाल भानुदास हिंगणे, पूनम ज्योतीबा चव्हाण, प्रभाग क्र. १० : जयसिंग देशमुख, अनीता गायकवाड, प्रभाग क्र. ११ : संजय संघवी, सविता जाधव, प्रभाग क्र. १२ : अभिजीत चव्हाण, सारीका अमोल वाघमारे, प्रभाग क्र. १३ : बिरजू भाऊसाहेब मांढरे, सुनीता अरविंद बगाडे, प्रभाग क्र. १४ : नवनाथ बल्लाळ, आप्पा अहिवळे, प्रभाग क्र. १५ : जितेंद्र बबनराव गुजर, मंगला जयप्रकाश किर्वे, प्रभाग क्र. १६ : मंगल शिवाजीराव जगताप, गोरख पारसे, प्रभाग क्र. १७ : अलताफ सय्यद, शर्मिला शिवाजीराव ढवाण, प्रभाग क्र. १८ : राजेंद्र सोनवणे, अश्विनी सूरज सातव, प्रभाग क्र. १९ : सुनील दादासाहेब सस्ते, प्रतिभा विजय खरात, प्रभाग क्र. २० : प्रथमेश प्रवीण गालिंदे, दर्शना विक्रांत तांबे, फरहीन फिरोज बागवान
लेखकाबद्दलसुनिल लाटेसुनिल प्रभाकर लाटे, हे एक पत्रकार आहेत. त्यांनी डॉ. बाबासाहेब आंबेडकर मराठवाडा विद्यापीठ येथून बी.ए व एम.ए. पत्रकारितेचं पदव्यूत्तर शिक्षण पूर्ण केलं आहे. कॉलेज जीवनातच ‘दैनिक दिव्य मराठी’मध्ये पत्रकारितेचं प्रत्यक्ष प्रशिक्षण घेतलं आहे. दोन वर्षे ‘लोकसत्ता डॉट कॉम’साठी ‘फोटोगॅलरी व वेबस्टोरी’ या विभागात काम केलं आहे. ते ६ ऑक्टोबर २०२५ पासून ‘महाराष्ट्र टाईम्स’ ऑनलाईनमध्ये कार्यरत आहेत. राजकारण, मनोरंजन, क्रीडा या विषयांच्या लिखाणात आवड आहे. याशिवाय काव्य लेखन, गीत लेखन आणि सादरीकरणातही स्वारस्य आहे. फोटोग्राफी, फोटो, व्हिडिओ संपादनातही खास रस आहे… आणखी वाचा