या प्रकरणी रूपाली चाकणकर यांनी पुणे सायबर पोलिस ठाण्यात तक्रार दिली आहे. त्यांच्या तक्रारीवरून भारतीय न्याय संहिता २०२३ मधील कलम ७५ (१) (४), ७८, ७९, ३५३ (२), ३५६ (२), ४५, ४९, ३ (५); तसेच माहिती तंत्रज्ञान अधिनियम २००० मधील कलम ६७ (अ) अन्वये गुन्हा दाखल करण्यात आला आहे. पोलिस निरीक्षक स्वप्नाली शिंदे तपास करीत आहेत.

Sanket Nevshe : मूर्तीचा तोल जाताच संकेतने दोन हातांनी पेलण्याचा प्रयत्न केला, शेवटचा व्हिडिओ पाहताच नेवशे कुटुंब भावूक, भावाने सांगितलं अखेरच्या क्षणी काय घडलं

अशोक खरात प्रकरणावरुन टीका

नाशिकमधील अशोक खरात याच्यावरील महिलांवर अत्याचार केल्याच्या आरोपांचे प्रकरण गाजले होते. या पार्श्वभूमीवर चाकणकर यांच्या सोशल मीडियावर टीका करण्यात आली. काही आक्षेपार्ह पोस्ट करण्यात आल्या होत्या. चाकणकर यांच्या तक्रारीनुसार, रूपाली पाटील-ठोंबरे, सुषमा अंधारे, संगीता तिवारी, ॲड. अशोक बेदरे, अश्विनी खाडे, महादेव बालगुडे, हनुमंत गलगटे, वर्षा कांबळे, राजश्री समींदर, गणेश लोखंडे, हेमा पिंगळे, रंजना देशमुख, लॉजिकल सिद्धान्त, योगेश सावंत, दीपाली सय्यद, डॉ. आशा मिरगे आणि मोहसीन शेख यांनी चाकणकर यांच्याविरोधात पोस्ट केल्या होत्या.

पोस्टवर आक्षेपार्ह शेरेबाजी केल्याचा आरोप

या पोस्टवर मिलिंद गोरे, सपना राऊत आणि इतरांनी अश्लील, अपमानास्पद आणि आक्षेपार्ह शेरेबाजी केल्याचा आरोप चाकणकर यांनी तक्रारीत केला आहे. संबंधित पोस्ट आणि त्यावरील कमेंट्समधून खोटी व दिशाभूल करणारी माहिती प्रसारित करण्यात आल्याने आपली बदनामी झाली. मानसिक त्रास सहन करावा लागल्याचे त्यांनी तक्रारीत नमूद केले आहे.

Red Suitcase Murder : आई हरवलेय, मुलाची तक्रार; रेड ट्रॉली बॅगेत बॉडीचे अवशेष सापडले, CCTV मध्ये दिसलेल्या कपलच्या घरी जाताच डब्यात भयंकर खेळ

पोलीस चौकशी होण्याची शक्यता

अशोक खरात प्रकरणाच्या संदर्भात चाकणकर यांच्याबाबत सोशल मीडियावर पोस्ट करणाऱ्या अन्य व्यक्तींचीही पोलिसांकडून चौकशी होण्याची शक्यता आहे. त्यामुळे तपास पुढे गेल्यानंतर या प्रकरणातील आरोपींची संख्या वाढण्याची शक्यता व्यक्त केली जात आहे.