परवानगी मिळाल्यानंतर वन विभागाने हा ‘नरभक्षक’ बिबट्या शोधण्यासाठी सलग सहा दिवस कोपरगाव तालुक्याच्या विविध भागात अहोरात्र ‘सर्च ऑपरेशन’ राबवलं. अखेर, काल शनिवारी मध्यरात्री वन विभागाच्या पथकाला कोपरगाव तालुक्यातील धारणगाव शिवारात या बिबट्याला शोधण्यात यश आलं आणि त्यांनी त्याला जागीच ठार केलं. या अत्यंत धोकादायक मोहिमेसाठी जिल्ह्याचे व कोपरगावचे वन अधिकारी, तसेच विविध भागांतील वन कर्मचाऱ्यांनी अहोरात्र परिश्रम घेतलं. त्यांच्या या साहसी कामगिरीवर नागरिकांनी सध्या तरी समाधान व्यक्त केलं आहे. मात्र, परिसरात असलेल्या इतर बिबट्यांकडून शेतकऱ्यांच्या पशुधनावर हल्ले सुरू आहे. त्यामुळे इतर बिबट्यांचा देखील तातडीने बंदोबस्त करावा, अशी मागणी आता जोर धरू लागली आहे.

Nagpur News: ‘आरोपीच्या घरावर बुलडोझर चालवा’; भाजप नेत्याच्या हत्येनंतर नागपुरात तणाव, संतप्त नागरिकांचा रास्तारोको

माऊलीच्या डोळ्यासमोर पोटच्या लेकरांचा करुण अंत

दगडाच्या खाणीत साठलेल्या पाण्यात आईसोबत मेंढ्या धुण्यासाठी गेलेल्या सख्या भाऊ-बहिणीचा पाण्यात पडून दुर्दैवी मृत्यू झाल्याची हृदयद्रावक घटना घडली. ही घटना आज शनिवारी रोजी दुपारी अहिल्यानगर जिल्ह्यातील कोपरगाव तालुक्यातील चांदेकसारे शिवारात घडली आहे. या घटनेमुळे संपूर्ण परिसरात हळहळ व्यक्त होत आहे. सार्थक गणपत बढे (वय 19) आणि सुरेखा गणपत बढे (वय 18) अशी मयत झालेल्या सख्या भाऊ-बहिणीची नावं आहेत. ते दोघेही कोपरगाव तालुक्यातील डाऊच खुर्द येथील रहिवासी होते.