शनिवारी सचिन साहू आपला मुलगा प्रीतच्या पहिल्या वाढदिवसाच्या तयारीसाठी समोस्यांची ऑर्डर देऊन घरी परतत असताना दोन दुचाकींवर आलेल्या चार हल्लेखोरांनी त्यांना अडवले आणि धारदार शस्त्रांनी त्याच्यावर वार केले. काही क्षणातच सचिन रक्ताच्या थारोळ्यात कोसळला आणि त्याचा जागीच मृत्यू झाला. हल्लेखोर पळून गेले. घटनेनंतर यशोधरानगर पोलिसांनी तातडीने घटनास्थळी दाखल होऊन पंचनामा केला आणि खुनाचा गुन्हा दाखल केला. दोन आरोपींना पोलिसांनी ताब्यात घेतले असून उर्वरितांचा शोध सुरू आहे.Devendra fadanvis: स्थानिक निवडणुकांतही विरोधकांचा सुपडा साफ होणार, मुख्यमंत्र्यांचा विरोधकांवर हल्लाबोल, म्हणाले, ‘भाजप मोठा पक्ष…’
या हत्येमागे जुना वाद असल्याची माहिती समोर येत आहे. गणेशोत्सवादरम्यान सोनू (मुख्य संशयित) नावाच्या युवकाने मंडपात मांसाहार केल्यावरून सचिन यांनी त्याला रोखले होते. याच रागातून सोनू आणि त्याच्या कुटुंबीयांनी पूर्वीही सचिन यांच्या घरावर हल्ला करून मारहाण केली होती. त्याची तक्रार पोलिसांत देऊनही ठोस कारवाई न झाल्याने हा वाद चिघळला आणि अखेर खून झाला, असा प्राथमिक संशय सूत्रांनी व्यक्त केला आहे.

त्यानंतर रविवारी सकाळपासून परिसरातील व्यापारी, नागरिक आणि भाजप कार्यकर्ते मोठ्या संख्येने रस्त्यावर उतरले. ठिकठिकाणी वाहतूक कोंडी झाली. परिस्थिती हाताळण्यासाठी पोलिसांनी मोठा बंदोबस्त तैनात केला. शहर पोलिस आयुक्तांच्या मार्गदर्शनाखाली वरिष्ठ अधिकारी घटनास्थळी उपस्थित राहून परिस्थिती नियंत्रणात ठेवण्याचा प्रयत्न करत आहेत.

भाजप शहराध्यक्ष दयाशंकर तिवारी यांनी घटनास्थळी पोहोचून आंदोलकांची भेट घेतली आणि मुख्यमंत्र्यांशी संवाद साधल्याचे सांगितले. “मुख्यमंत्री यांनी पोलिसांना आरोपींना लवकरात लवकर पकडून कठोर कारवाई करण्याचे आदेश दिले आहेत,” असे दयाशंकर तिवारी यांनी सांगितले. तसेच आरोपींच्या प्रॉपर्टीवर कारवाई करण्याच्या मागणीचीही त्यांनी पुन्हा स्पष्ट केली.

शहरात वाढत्या गुन्हेगारीविरोधात आणि निष्पाप व्यक्तींच्या सुरक्षिततेच्या मुद्यावर नागरिकांनी सरकार व प्रशासनावर कडाडून टीका केली आहे. पोलिसांनी नागरिकांना शांतता राखण्याचे आवाहन केले असून आरोपी लवकरच हाती लागतील, असा विश्वास त्यांनी व्यक्त केला आहे. दरम्यान, या धक्कादायक घटनेने नागपूर शहरात मोठी खळबळ उडाली असून कायदा व सुव्यवस्थेची कसोटी लागली आहे.