नेरळ पोलिसांनी हा मुद्दा गांभीर्याने हाताळत तत्काळ वरिष्ठांना कळवले. रायगडच्या पोलिस अधीक्षक आंचल दलाल, अप्पर पोलिस अधीक्षक अभिजीत शिवथरे व कर्जत उपविभागीय पोलिस अधिकारी राहुल गायकवाड यांनी स्वतः हस्तक्षेप करून महत्त्वाचा निर्णय घेतला—अंत्यसंस्कार झाल्यानंतरही मृतदेह बाहेर काढून शवविच्छेदन करण्याचा! तहसीलदारांच्या उपस्थितीत पंचनामा करून मृतदेह मुंबईच्या जे.जे. रुग्णालया त पाठवण्यात आला. रिपोर्ट आल्यानंतर प्रकरणाची दिशा पूर्णतः बदलली.
Raigad News : अक्षया नाईकांच्या नावाने रंग बदलला, वडिलांनंतर लेक नगराध्यक्ष होणार? रायगडमध्ये कोण बाजी मारणार?
वरिष्ठांच्या निर्देशांनुसार नेरळ पोलिस ठाण्याचे प्रभारी सहाय्यक पोलिस निरीक्षक शिवाजी ढवळे यांनी विशेष तपास पथक तयार केले. या पथकात PSI नितीन मंडलीक, API सुनील शेंबडे, श्रीरंग किसवे, रायसिंग वसावे, प्रविण लोखडे, राजाराम पिंगळे, महेश गोरे, युवराज साळुंके, निलेश कोंडार तसेच महिला पोलीस कर्मचारी शर्मिला हडळ व प्रियंका भोर यांचा समावेश होता.
Alibaug Crime : ये गं पोरी तपासतो; 23 वर्षीय तरुणीला बेडरुममध्ये बोलावलं, 75 वर्षांच्या प्रख्यात आयुर्वेदिक डॉक्टरचं लज्जास्पद कृत्य
गावातील गुप्त पडताळणी, दरवाजोदर तपास आणि सूक्ष्म माहितीच्या आधारे पोलिसांनी १८ वर्षांची धनु उर्फ जयवंता मुकणे हिला चौकशीसाठी ताब्यात घेतले. दीर्घ आणि शास्त्रशुद्ध चौकशीनंतर ती कोसळली आणि भयानक सत्य बाहेर आलं, “माझ्या जुळ्या मुलांना जयदीप आणि त्याची बहीण त्रास देत होते, रागाच्या भरात मी जयदीपचा गळा दाबला आणि दर्शनालाही मारण्याचा प्रयत्न केला.”
Raigad News : रायगडमध्ये बिघडली महायुती? भाजप-शिवसेनेत फूट, आता आर-पार की लढाई, नेमकं काय घडलं?
या कबुलीने संपूर्ण गाव थरारून गेले. निष्पाप चिमुकल्यांच्या भांडणावरून घेतलेला हा क्रूर निर्णय समाजाला हादरवून टाकणारा ठरला. नेरळ पोलिसांनी दाखवलेली संवेदनशीलता, वेग आणि तपासकौशल्य यामुळे अवघ्या २४ तासांत या प्रकरणामागील काळे सत्य उघडकीस आले. आरोपीला अटक करून न्यायालयात हजर करण्यात आले असून तिला १७ नोव्हेंबरपर्यंत पोलिस कोठडी सुनावण्यात आली असल्याची माहिती रायगड पोलिसांनी आज दिली आहे. एक चिमुकल्याचा मृत्यू अपघात नव्हे, तर नियोजनबद्ध खून असल्याचे उघड होताच गावातील संभ्रमाचे वातावरण दूर झाले आणि कठोर कारवाईची मागणी अधिक जोरदार झाली.