मराठीचा मुद्दा हाती घेत ठाकरे बंधू मुंबई महापालिका निवडणूक एकत्र लढणार आहेत. मात्र मनसेला सोबत घेण्यावर मुंबई काँग्रेसमधील अनेक नेत्यांनी स्पष्ट शब्दांत नाराजी व्यक्त केली होती. त्यातच मुंबई काँग्रेसला नवसंजीवनी मिळवून देण्यासाठी जास्तीत जास्त जागा लढवायला पाहिजेत, असा अनेकांचा आग्रह होता. मुंबई काँग्रेसने स्वबळावर लढावे, अशी जोरदार मागणी पक्षातील नेत्यांनीही पक्षश्रेष्ठींकडे केली होती.
Ramdas Athawale: महायुतीव्यतिरिक्त अन्य पक्षांशी युती करु नका; रामदास आठवलेंची पदाधिकाऱ्यांना सूचना
आज, शनिवारी मुंबई काँग्रेसच्या पदाधिकाऱ्यांचे एकदिवसीय शिबिर मुंबईत होत आहे. मुंबई काँग्रेसच्या अध्यक्ष वर्षा गायकवाड यांच्यासह माजी मंत्री अस्लम शेख, अमीन पटेल, नसीम खान, भाई जगताप, चरणसिंग सप्रा यांच्यासह मुंबई काँग्रेसमधील अनेक बडे नेते यावेळी उपस्थित राहणार आहेत. या शिबिरामध्ये पक्षाच्या ‘एकला चलो रे…’बाबत अंतिम निर्णय घेतला जाईल, अशी माहिती पक्षातील एका नेत्याने दिली. बिहार निवडणुकीत काँग्रेसला जबर फटका बसल्याचे शुक्रवारी स्पष्ट झाले. त्यातच मुंबईतील अनेक नेत्यांनी स्वबळाचा आग्रह कायम ठेवल्याने चेन्नितला यांच्या उपस्थितीत याबाबत घोषणा केली जाण्याची शक्यता आहे.
Mumbai Crime : दिल्लीत ‘लाल’ कारमध्ये स्फोट, आता मुंबईतील CSMT जवळ ‘लाल’ बॅग आढळली; उघडली असता काय सापडलं?
उल्हासनगरात भाजपला खिंडार
उल्हासनगर महापालिका निवडणुकीच्या तोंडावर, भाजपच्या दोन माजी जिल्हाध्यक्षांसह आठ माजी नगरसेवकांनी शुक्रवारी उपमुख्यमंत्री एकनाथ शिंदे यांच्या उपस्थितीत शिवसेनेत प्रवेश केला. यामुळे भाजपच्या गोटात खळबळ माजली असून, महापालिका निवडणुकीत हा भाजपासाठी मोठा आघात ठरू शकतो. उल्हासनगर महापालिका निवडणुकीचे वारे वाहू लागले असताना, दुसरीकडे शहरात शिवसेना आणि भाजप यांच्यातील संघर्ष वाढू लागला आहे.