राज्य निवडणूक मुख्य अधिकारी कार्यालयाने १ जुलै २०२५पर्यंतच्या मतदारयादीतील सविस्तर माहिती संकेतस्थळावर जाहीर केली आहे. त्यानुसार ही माहिती समोर आली आहे. या प्राप्त माहितीनुसार, मुंबई महानगरपालिका निवडणुकांसाठी यंदा एकूण १ कोटी २३ लाख ७८ हजार ४१८ मतदारांची नोंद करण्यात आली आहे. गेल्या वर्षी झालेल्या विधानसभा निवडणुकीत हाच आकडा १ कोटी २ लाख २९ हजार ७०८ होता. त्यामुळे यंदा मुंबई महानगरपालिका निवडणुकीत विधानसभेच्या तुलनेत २१ लाख ४८ हजार ७१० नवे मतदार आहेत.
Ambadas Danve: त्यांनी राजीनामा देऊ केला होता, ‘वर्षा’वरील बैठकीत दादा संतापले, अंबादास दानवेंचा दावा
निवडणुक आयोगाच्या आकडेवारीनुसार मुंबई महानगरपालिका क्षेत्रात २०२४ रोजी झालेल्या विधानसभा निवडणुकीत मुंबई शहरात एकूण २५ लाख ४३ हजार ६१० मतदार होते. तर, मुंबई उपनगरात हाच आकडा ७६ लाख ८६ हजार ९८ नोंदविण्यात आला होता. त्यानंतर आता या आकडेवारीत यंदा वाढ झाली असून मुंबई शहरात १ जुलै २०२५ पर्यंत ३३ हजार २०१ व मुंबई उपनगरांत १ लाख ३९ हजार ८०२ नवीन मतदारांची नोंदणी करण्यात आली आहेत. त्यामुळे मुंबईतून यंदा एकूण १ लाख ७३ हजार ३ मतदारांची नोंदणी करण्यात आली आहे.
Maharashtra Voter List: राज्यात 19 लाख नवीन मतदार; 7 महिन्यांत आयोगाने 4 लाख नावे वगळली, सर्वाधिक मतदार कुठे वाढले?
फॉर्म ६ भरून अर्ज केलेले शहर आणि उपनगरांत अनुक्रमे २७ हजार २०० आणि १ लाख १३ हजार ९३६ असे एकूण १ लाख ४१ हजार १३६ नवे मतदार आहेत. त्याबरोबरच फॉर्म ६ ए भरून विदेशातील भारतीय नागरिकांनीही नोंदणी केली आहे. ज्यात शहरातून आठ आणि मुंबई उपनगरांतून ३५ मतदारांनी अर्ज सादर केले असून ते मंजूर करण्यात आले आहेत. यासोबतच मुंबई शहरातून पाच हजार ९९३ मतदारांनी आणि २५ हजार ८३१ मतदारांनी फॉर्म ८ ए भरून दुरुस्तीसाठी अर्ज केले आहेत. त्यामुळे यंदाच्या मुंबई महानगरपालिका निवडणुकीसाठी १ लाख ७३ हजार ३ नवमतदार आहेत.

नावे वगळण्यासाठी ५८,६३२ जणांचा अर्ज
या प्रक्रियेत ५८ हजार ६३२ मतदारांनी फॉर्म ७ भरून नावे वगळण्यासाठी अर्ज केले आहेत. त्यामुळे मुंबईतील एकूण १ लाख १४ हजार ३७१ नवीन मतदार असणार आहेत