उरण तालुक्यात असलेल्या जेएनपीए बंदरातून दरवर्षी लाखो कंटनेरची उलाढाल होते. जगभरातून ये-जा करणाऱ्या कंटेनरला गोदाम आणि कंटेनर यार्डची गरज असते. नियोजन प्राधिकरण म्हणून सिडकोने कंटेनर यार्डसाठी लॉजिस्टिक पार्कची उभारणी करणे गरजेचे होते. परंतु अद्याप याची उभारणी झालेली नाही. याचा गैरफायदा घेऊन उरणच्या चिर्ले, वेश्वी, जासई ग्रामपंचायत हद्दीत बेकायदा गोदाम आणि कंटेनर यार्ड उभारलेली आहेत. सिडकोची परवानगी न घेता शिपिंग कंपन्या दरमहा लाखो रुपयांचे भाडे जमा करत आहेत.
घरी परतण्यासाठी लोकल पकडताना घसरले अन्.., वाशी स्थानकावर प्रवाशाचा दुर्दैवी अंत
सुरुवातीला स्थानिक शेतकऱ्यांच्या मालकीची जमीन शेतकऱ्यांकडून विकत घेऊन वेगवेगळ्या कंपन्यांनीच कंटेनर यार्ड उभी केली आहेत. सिडकोने ८ नोव्हेंबरला नवी मुंबईतील विभागवार बेकायदा बांधकामांची यादी प्रसिद्ध केली आहे. यामध्ये सर्वाधिक संख्या उरणमधील कंटेनर यार्डची आहे. उरण तालुक्यातील चिर्ले ग्रामपंचायत हद्दीतील गावठाण, जांभूळपाडा वेश्वी ग्रामपंचायतीतील बेलोंडेखार आदी गावांमध्ये कंपन्यांची सुमारे २२ कंटेनर यार्ड आहेत. कंटेनर यार्डसाठी जमिनीवर भराव टाकून सपाट भूभाग तयार केले आहेत.

Crime News : दारु ढोसताना मित्रांना शिवीगाळ, संतापात बिअरच्या बॉटलने मारहाण; नशेत मध्यरात्री एकाला संपवलं
वहाळमध्ये बेकायदा आरएमसी प्रकल्प
आर. के. पाटील इन्फ्रा प्रा. लिमिटेड कंपनीचा वहाळ ग्रामपंचायत हद्दीत पुष्पक नोड येथे आर. एमसी प्रकल्प, क्रशर, मिक्सर, मशीन पूर्ण बांधकाम बेकायदा असल्याचे सिडकोने जाहीर केले आहे. राजकीय वरदहस्तामुळे यावर वर्षांनुवर्षे कारवाई केली जात नाही. जाहीर प्रकटनानंतर सिडको प्रशासन काय पावले उचलते, याकडे सर्वांचे लक्ष लागले आहे.

ही बांधकामे विनापरवानगी आहेत. तांत्रिक बाबी पूर्ण करून पुढील निर्णय घेतले जातील. – सुरेश मेंगडे, मुख्य नियंत्रक, अनिधिकृत बांधकाम