‘मधल्या काळात काही घटना घडल्या, मी माझी भूमिका स्पष्ट मांडली. चौकशी सुरू झाली आहे. वस्तुस्थिती जनतेसमोर येईल. एक रुपयाचा व्यवहार न करता कसा कागद होऊ शकतो, हे आजपर्यंत माझ्या लक्षात आले नाही. ज्याने ही नोंदणी केली, त्याने कशामुळे केली, हे एका महिन्यात कळेल. मुख्यमंत्री देवेंद्र फडणवीस यांनी चांगले अधिकारी चौकशी समितीत नेमले आहेत,’ असे पवार म्हणाले.
Pune Leopard Video : भिंतीला 9 हजार व्होल्टची इलेक्ट्रिक फेन्सिंग, तरीही किंचितसा धक्का नाही; पुण्यातील बड्या नेत्याच्या बंगल्यात बिबट्याची एन्ट्री
अजित पवार यांचे पुत्र पार्थ यांच्या अमेडिया एंटरप्रायझेस कंपनीने मुंढवा येथील १८०० कोटी रुपये मूल्य असलेली ४० एकर जमीन खरेदी केली आहे. खरेदी दस्तावर ३०० कोटी रुपयांचे मूल्य दर्शविण्यात येत असले, तरी प्रत्यक्षात खरेदी-विक्रीमध्ये एकही रुपयांची देवाण-घेवाण झालेली नाही. या व्यवहारासाठी केवळ ५०० रुपयांचे मुद्रांक शुल्क भरण्यात आले आहे. या अजब व्यवहारावर संपूर्ण राज्यात आश्चर्य व्यक्त करण्यात येत आहे. या प्रकरणी दुय्यम निबंधकाचे निलंबन करण्यात आले असून, त्यांच्यावर गुन्हाही दाखल झाला आहे. अशा प्रकारे दस्तनोंदणी झालीच कशी, असा अप्रत्यक्ष प्रश्न पवार यांनी उपस्थित केल्यामुळे या प्रकारच्या चौकशीला वेगळेच वळण लागण्याची शक्यता निर्माण झाली आहे.

बारामती नगर परिषदेच्या निवडणुकीत जय पवार लढण्याच्या चर्चांनाही त्यांनी पूर्णविराम दिला. ‘जयबाबत मी तसे काही ऐकले नाही आणि तसे काही होणार नाही,’ अशी स्पष्ट भूमिका त्यांनी मांडली. पार्थ पवार यांच्या अनुपस्थितीबाबत विचारण्यात आले असता, ‘पार्थ पवार समोर येत नाहीत. मी भूमिका मांडली असून, माहिती घेतल्याशिवाय बोलत नाही,’ असेही त्यांनी नमूद केले.
Pune Leopard Attack : 13 वर्षीय रोहनचा बिबट्याने जीव घेतला, पुण्यात नरभक्षक बिबट्याचा थरार, स्वसंरक्षणासाठी महिलांच्या गळ्यात खिळ्यांचा पट्टा
निवडणुका आल्या की आरोप सुरू
राज्यात कोणत्याही निवडणुका सुरू झाल्या, की, आमच्यावर आरोप सुरू होतात. यापूर्वी २००८-२००९ मध्ये असेच माझ्याविरोधात ७० हजार कोटी रुपयांचा आरोप झाला. त्याला १५ ते १६ वर्षे लोटली. त्यातून कुणीही पुरावे देऊ शकले नाही; पण आमची बदनामी झाली. आता तर मीडियात प्रत्येक पक्षाचे प्रवक्ते आहेत. तेही बोलतात. चुकीची कुणी काही केले आणि त्याबद्दल बोलले तर समजू शकतो; पण सकाळपासून रात्रीपर्यंत लोकांची कामे पारदर्शक करायची, ती कशी होतील ते पाहायचे आणि त्याचे असे फळ मिळते,’ असेही पवार म्हणाले.
Pune Crime: पुण्यात दृश्यम स्टाइल हत्याकांड; पत्नीला संपवलं, बॉडी भट्टीत जाळली, राख नदीत फेकली अन्.., पतीचं संतापजनक कृत्य
दस्त कधी रद्द होणार ?
मुंढवा येथील सरकारी जमीन खरेदीचा झालेला कथित व्यवहार रद्द करण्याची तयारी अमेडिया एंटरप्रायझेस कंपनीने दाखविली असली, तरी हा दस्त रद्द करण्यासाठी या जमिनीची कुलमुखत्यारधारक शीतल तेजवानी हिला दुय्यम निबंधक कार्यालयात उपस्थित राहावे लागणार आहे. तेजवानी; तसेच अमेडिया कंपनीचे दिग्विजय पाटील यांच्यावर गुन्हा दाखल झाल्याने पोलिसांकडून आरोपींचा शोध घेण्यात येत आहे. अशा परिस्थितीत दुय्यम निबंधक कार्यालयात हे दोघेही उपस्थित न राहिल्यास हा व्यवहार रद्द होणार का, असा प्रश्न उपस्थित करण्यात येत आहे.