Plan to Kill Manoj Jarange Patil : जालनामध्ये एक धक्कादायक प्रकार समोर आलेला आहे. मराठा आरक्षणासाठी लढणारे मनोज जरांगे पाटील यांना मारण्यासाठी सुपारी देण्यात आली आहे.
पोलिसांनी काय माहिती दिली?
यासंदर्भात प्रसार माध्यमांच्या कॅमेरासमोर न येता जालना पोलिसांनी माहिती दिली आहे की, प्राथमिक चौकशीतून समोर आलेल्या माहितीनुसार, परळीतील एका नेत्याने काही कोटी रुपयांची ऑफर देत जरांगे यांच्या हत्येचा कट रचल्याची शक्यता व्यक्त केली जात आहे. या पार्श्वभूमीवर पोलिसांनी ताब्यात घेतलेल्या दोघांची कसून चौकशी सुरू आहे. गुन्हे शाखेच्या कारवाईमुळे राजकीय वर्तुळात आणि मराठा आंदोलनाच्या कार्यकर्त्यांमध्ये एकच खळबळ उडाली आहे.
‘अशा चुकीच्या गोष्टी करु नका, मी सूचना दिलेल्या’, अजित पवारांचा मोठा खुलासा
गंगाधर काळकुटे काय म्हणाले?
जरांगे यांचे निकटवर्तीय आणि सहकारी गंगाधर काळकुटे यांनाही अज्ञात व्यक्तीकडून जिवे मारण्याची धमकी मिळाली आहे. काळकुटे यांनी स्वतः बीडचे पोलीस अधीक्षक यांची भेट घेऊन या प्रकरणाची सविस्तर माहिती देण्याचा निर्णय घेतला आहे. ‘या विषयावर मी कोणतेही भाष्य करणार नाही. मनोज जरांगे पाटीलच अधिकृत भूमिका मांडतील,’ असं गंगाधर काळकुटे यांनी माध्यमांशी बोलताना सांगितलं.
Manoj Jarange : मोठी बातमी! मनोज जरांगेंचा जीव घेण्याचा प्लॅन, बीडमधूनच रचला कट; पोलिसांनी दोघांना घेतलं ताब्यात
आंदोलनामुळे राज्य सरकारवर दबाव वाढला असताना, आता त्यांच्या जीवावरचा कट उघड झाल्यानं परिस्थिती अधिक गंभीर बनली आहे. पोलिसांनी या कटामागील सूत्रधार कोण आहे? याचा शोध सुरू केला आहे. जालना पोलीस अधीक्षकांच्या कार्यालयात जरांगे यांच्या सहकाऱ्यांनी याबाबत निवेदन सादर केलं असून, सुरक्षा वाढविण्याची मागणीही करण्यात आली आहे. या संपूर्ण प्रकरणामुळे राज्यभरात खळबळ उडाली असून, मराठा आंदोलनाच्या कार्यकर्त्यांमध्ये तीव्र नाराजी व्यक्त होत आहे.
लेखकाबद्दलप्रशांत पाटीलप्रशांत संजय पाटील २०१९ पासून डिजिटल मीडियात कार्यरत असून सध्या मटा ऑनलाइनमध्ये सिनीयर डिजिटल कंटेंट प्रोड्युसर म्हणून जबाबदारी सांभाळत असताना राज्यभरातील ग्रामीण भागातील बातम्या, राजकीय बातम्यांची आवड, हायपरलोकल बातम्या, क्राइम बातम्या अर्थात विशेष घडामोडींचा विश्लेषणात्मक आढावा घेण्याचा सतत प्रयत्न असतो. गावाखेड्याकडच्या बातम्या, शेतकऱ्यांचा प्रश्न, शेती आणि ग्रामीण जीवन हे जिव्हाळ्याचे विषय आहेत. यापूर्वी थोडक्यात न्यूज पोर्टल, आधान न्यूज पोर्टल, महाराष्ट्र टाइम्स डिजिटल आणि सकाळ मीडिया ग्रुप या संस्थांमध्येही कामाचा अनुभव असून पुण्यातील गरवारे महाविद्यालयातून पत्रकारितेत पदवी प्राप्त केली आहे.… आणखी वाचा