त्यामुळे राज्याचे माजी मंत्री आमदार धनंजय मुंडे यांनी आरोग्य विभागाच्या या भरतीवर आक्षेप व्यक्त केला आहे. त्यांनी आरोग्य विभागाने काढलेल्या या दोन जाहिराती स्थगित कराव्यात अशी मागणी केली आहे. याबद्दल त्यांनी एक्स पोस्ट केली आहे. एनटीडी प्रवर्गाच्या जागांचा समावेश करुन पुन्हा नव्याने जाहिराती प्रसिद्ध कराव्यात असं धनंजय मुंडे म्हणाले आहेत.

Pune News: पुण्यात टोळी युद्ध पेटताच पोलिसांचा गजा मारणे टोळीला धक्का; शार्प शूटर उचलला, मध्यरात्री मोठी कारवाई

माजी मंत्री तथा आमदार धनंजय मुंडे यांनी त्यांच्या सोशल मीडिया अकाऊंटवरुन एक पोस्ट करत खुलासा केला आहे. या पोस्ट मध्ये त्यांनी असे नमूद केले आहे की, “दि. ४ नोव्हेंबर, २०२५ रोजी सार्वजनिक आरोग्य विभागाच्या वतीने समुदाय आरोग्य अधिकारी (कंत्राटी) १९७४ जागा व वैद्यकीय अधिकारी (गट – अ) १४४० जागांसाठी जाहिरात प्रसिद्ध करण्यात आली असून, यातील समूदाय आरोग्य अधिकारी पदाच्या जाहिरातीत एन टी – डी प्रवर्गासाठी एकही जागा आरक्षित करण्यात आलेली नाही, तर दुसऱ्या वैद्यकीय अधिकारी भरतीच्या जाहिरातीत एन टी प्रवर्गातील अ,ब,क,ड या चारही प्रवर्गांसाठी एकही जागा आरक्षित करण्यात आलेली नाही.”

पुढे धनंजय मुंडेंनी या पोस्टमध्ये लिहिलं की, “राज्यभरात या प्रवर्गातील लाखो विद्यार्थी वरील पदांसाठी तयारी करत असून या जाहिरातींच्या माध्यमातून त्या विद्यार्थ्यांवर अन्याय होत असल्याची भावना आहे. तरी कोणत्याही प्रवर्गावर अन्याय होणार नाही या दृष्टीने या दोन्हीही जाहिराती स्थगित करून सर्वसमावेशक पद्धतीने सदर जाहिराती नव्याने प्रसिद्ध करण्यात याव्यात, ही विनंती”.

या पोस्टमध्ये धनंजय मुंडे यांनी या मागणीचे पत्रही जोडले आहे. हे पत्र त्यांना मुख्यमंत्री देवेंद्र फडणवीस आणि सार्वजनिक आरोग्य मंत्री प्रकाश आविटकर यांना लिहिलं आहे. त्यामुळे या मागणीवर आता मुख्यमंत्री महोदय काय निर्णय घेणार हे पाहणे महत्वाचे असणार आहे.