“महाड महाराष्ट्रात आहे की बिहारमध्ये? आरोपी खुलेआम फिरत आहेत, आणि पोलिस मात्र मौन का बाळगत आहेत?” असा संतप्त सवाल जाधव यांनी डीवायएसपी शंकर काळे आणि पोलीस निरीक्षक रमेश तडवी यांच्याकडे केला. त्यांनी पोलिसांना स्पष्ट अल्टिमेटम दिला. ते म्हणाले की “शनिवारपर्यंत आरोपींना अटक झाली नाही, तर सोमवारपासून महाड बंद ठेवला जाईल”

‘आयोग दबावाखाली, मतदार याद्यांमधील घोळाकडे दुर्लक्ष’; मविआचे नते कायदे अभ्यासकांशी चर्चा करणार, अनिल देशमुख म्हणाले…

घटनेच्या निषेधार्थ महाडकरांमध्ये संतापाची लाट असून, मनसेने दिलेल्या या इशाऱ्यानंतर प्रशासनातही खळबळ उडाली आहे. जाधव यांनी सांगितले की, “राजकीय दबावामुळे पोलीस निष्क्रिय झाले आहेत. आरोपींना पाठीशी घालून गुंडगिरी वाढवली जात आहे. पण मनसे हे सहन करणार नाही. आम्ही न्याय मिळेपर्यंत आंदोलन करू,” असं अविनाश जाधव म्हणाले आहेत.

या प्रसंगी मनसेचे वरिष्ठ पदाधिकारी संजय नाईक, योगेश चिले, चेतन उतेकर आदी उपस्थित होते. त्यांनी हल्ल्याच्या घटनेबाबत छायाचित्रे आणि पुरावे दाखवत आरोपी अजूनही कार्यक्रमात मुक्तपणे सहभागी होत असल्याचे निदर्शनास आणून दिले. मनसेने या घटनेवरून राजकीय दबावाखाली काम करणाऱ्या पोलिसांवरही निशाणा साधला. “महाडकरांचा आत्मसन्मान जपण्यासाठी आम्ही मैदानात उतरलो आहोत. गुंडगिरीला शह देण्यासाठी आता निर्णायक लढाई सुरू होईल,” असे जाधव यांनी यावेळी सांगितले आहे.

या घटनांमुळे रायगडच्या राजकारणात नव्या संघर्षाची ठिणगी पडली असून, सोमवारचा महाड बंद हा कसा घडणार, त्यानंतर पुढे काय होणार याकडही सर्वांचं लक्ष लागलं आहे. दरम्यान, याप्रकरणात महाराष्ट्र नवनिर्माण सेनेचे युवा नेते अमित ठाकरेंनीही अलिकडेच मारहाण झालेल्या शहरअध्यक्षाची भेट घेऊन त्याच्या तब्येतीची चौकशी केली होती. त्यानंतर मनसे याप्रकरणी चांगलीच आक्रमक झालेली दिसत आहे.