रोहन विलास बोंबे (वय १३, रा. पिंपरखेड, आंबेवाडी, ता. शिरूर) असे मृत्युमुखी पडलेल्या मुलाचे नाव आहे. पिंपरखेड येथील आंबेवाडी परिसरात विलास बोंबे यांचे घर असून, आजूबाजूला उसाचे क्षेत्र आहे. रविवारी दुपारच्या सुमारास रोहन घरासमोरील शेतात शौचासाठी गेलेला होता. त्या वेळी बिबट्याने त्याच्यावर हल्ला करून त्याला ओढून उसाच्या शेतात नेले. बिबट्यावे रोहनच्या मानेला चावा घेतला. यात रोहनचा जागीच मृत्यू झाला. दरम्यान, मुलाचा आरडाओरडा ऐकून त्याच्या आई-वडिलांनी तेथे धाव घेऊन बिबट्याच्या तावडीतून रोहनची सुटका करून, त्याला उसाच्या शेताबाहेर आणले. त्या वेळी बिबट्या डरकाळ्या फोडून त्यांच्यावरही धावून येत होता.
Pune News: भाजपचा पालिकेवर दरोडा; ठेकेदाराचा 500 कोटींचा फायदा करुन दिल्याचा मविआचा आरोप, प्रकरण काय?
या घटनेमुळे संतप्त झालेल्या गावकऱ्यांनी वन विभागाचे वाहन पेटवून दिले. दरम्यान, शिरूर, आंबेगाव, खेड, जुन्नर या भागांतील वाढत्या बिबट्यांची संख्या लक्षात घेता केंद्र सरकारने बिबट्या निवारा केंद्र उभे करून बिबट्याची रवानगी निवारा केंद्रात करावी, अशी मागणी म्हाडा सभापती व माजी खासदार शिवाजीराव आढळराव यांनी केली.
Pune Crime : गणेश काळे प्रकरण; चार आरोपींना अटक, पिस्तुल, हत्यारे जप्त; घटनेआधी एक आरोपी कृष्णा आंदेकरच्या भेटीला
भय इथले संपत नाही…
पिंपरखेड जांबूत भागातील समृद्धी सचिन जोरी, पूजा भगवान नरवडे, पूजा जालिंधर जाधव, मुक्ताबाई भाऊ खाडे, इनामगाव येथील लक्ष्मीबाई बबन भोईटे, टेंभेकर वस्ती येथील शिवतेज टेंभेकर, वश सिंग व रक्षा निकम, शिवन्या बोंबे, भागुबाई जाधव, रोहन बोंबे बोंबे अशा १२हून अधिक अधिक जणांना बिबट्याच्या हल्ल्यात प्राण गमावावे लागले आहेत.

वन खात्याने पिंपरखेड व जांबूत परिसरात बिबट्या जेरबंद करण्यासाठी ३५ पिंजरे लावले असून, आतापर्यंत त्यात नऊ बिबटे जेरबंद झाले आहे. –निळकंठ गव्हाणे, तालुका वन अधिकरी