मिळालेल्या माहितीनुसार, गणेश काळे हा आपल्या रिक्षातून जात असताना दोन मोटारसायकलवरून आलेल्या चार हल्लेखोरांनी त्याच्यावर अचानक तुफान गोळीबार केला. त्यानंतर कोयत्याने वार करत त्याचा जागीच खून करण्यात आला. पोलिसांच्या प्राथमिक तपासानुसार, ही हत्या वनराज आंदेकरच्या खुनाचा बदला घेण्यासाठीचं झाल्याचे स्पष्ट झाले आहे.

राज-उद्धव यांच्या लढ्याला मोठं यश येणार? डॉ. नरेंद्र जाधव यांचं सूचक वक्तव्य

सध्या समीर काळे तुरुंगात

माजी नगरसेवक वनराज आंदेकर यांच्या खुनासाठी वापरलेली पिस्तुले गणेश काळेचा भाऊ समीर काळे याने मध्यप्रदेशातून आणली होती. सध्या समीर काळे हा तुरुंगात आहे. काही दिवसांपूर्वी नाना पेठेत वनराज आंदेकर हत्येतील आरोपी गणेश कोमकरचा मुलगा आयुष कोमकर याचा खून झाला होता. त्या प्रकरणात पोलिसांनी बंडू आंदेकर आणि त्याच्या टोळीला अटक केली होती. याच घटनेचा बदला घेण्यासाठीच गणेश काळेची हत्या झाल्याची शक्यता तपासात पुढे आली आहे.

पोलिसांनी वेगाने तपास करत काळे खून प्रकरणातील चार संशयितांना अटक केली आहे. हे चारही आरोपी आयुष कोमकर खटल्यातील आरोपी आणि बंडू आंदेकरचा नातू स्वराज वाडेकर याचे अत्यंत जवळचे मित्र असल्याचे समोर आले आहे. त्यामुळे स्वराज वाडेकर याच्या रूपाने आंदेकर कुटुंबाची तिसरी पिढी सुद्धा गुन्हेगार विश्वात आली का? असा प्रश्न उपस्थित होत आहे. याच स्वराज वाडेकरचे मित्र असणारे आरोपी अमन शेख, अरबाज पटेल आणि दोन अल्पवयीन मुलांना खेड-शिवापूर परिसरातून पकडण्यात आले.

Raigad: कोल्हापूरातल्या वृद्ध दाम्पत्यानंतर आणखी एका वृद्ध दांपत्याचाही संशयास्पद मृत्यू, घरात मृतदेह आढळल्याने खळबळ

आंदेकर आणि कोमकर टोळ्यांमध्ये वैराची ठिणगी

गुन्हे शाखा आणि परिमंडळ पाचच्या संयुक्त पथकांनी सीसीटीव्ही फुटेजच्या आधारे संशयितांचा माग काढला. घटनेनंतर आरोपी साताऱ्याच्या दिशेने पळाले होते. पोलिसांनी सापळा रचून त्यांना ताब्यात घेतले असून पुढील तपास सुरू आहे. या घटनेमुळे पुन्हा एकदा पुण्यातील आंदेकर आणि कोमकर टोळ्यांमध्ये वैराची ठिणगी भडकली आहे.