राज ठाकरे आणि उद्धव ठाकरे हे दोन्ही बंधू आता एक येताना दिसत आहेत. मनसे आणि महाविकास आघाडीने काढलेल्या मोर्चातही दोन्ही बांधवांची एकजूट बघायला मिळाली. दोन्ही नेत्यांचे हावभावही खूप बोलके होते. त्यामुळे आगामी काळात दोन्ही भाऊ एकत्र राजकारण करतात का? ते येणारा काळ ठरवेल. पण दोन्ही भाऊ ज्या कारणामुळे आणि लढ्यामुळे मनाने एकत्र आले त्या लढ्याला आगामी काळात यश येण्याची शक्यता आहे. कारण डॉ. नरेंद्र जाधव यांनी सूचक वक्तव्य केलं आहे.
विशेष म्हणजे राज्य सरकारच्या या भूमिकेमुळे गेल्या दोन दशकांपासून ज्या दोन भावांमध्ये दुरावा होता ते भाऊ एकत्र आले. शिवसेना उद्धव बाळासाहेब ठाकरे पक्षाचे प्रमुख उद्धव ठाकरे आणि मनसे अध्यक्ष राज ठाकरे यांनी हिंदी सक्तीच्या निर्णयाला प्रचंड विरोध केला. तसेच दोन्ही नेत्यांनी एकत्र येऊन मुंबईच मोठा मोर्चा काढण्याचा इशारा दिला. यामुळे राज्य सरकारवरील दबाव वाढला होता. अखेर वाढता दबाव पाहता राज्य सरकारला एक पाऊल मागे यावं लागलं. राज्य सरकारने संबंधित निर्णयाची तातडीने अंमलबजावणी करणं टाळलं.
राज्य सरकारने त्रिभाषा धोरण राज्यात अवलंबलं जावं का? याचं संशोधन करण्यासाठी डॉ. नरेंद्र जाधव यांच्या अध्यक्षतेखाली एक समिती स्थापन केली. ही समिती अभ्यास आणि संशोधन करुन राज्य सरकारला अहवाल देणार आहे. त्या अहवालाच्या आधारे याबाबत निर्णय घेतला जाणार आहे. राज्य सरकारने त्रिभाषा सूत्राच्या निर्णयाला तात्पुरती स्थगिती दिल्यानंतर ठाकरे बांधवांचा मोर्चादेखील स्थगित झाला. त्यानंतर दोन्ही बांधवांचा एकत्रितपणे विजय मेळावा पार पडला.
उद्धव ठाकरे महाराष्ट्राच्या राजकारणात उद्या नवा बॉम्ब टाकणार? महत्त्वाची माहिती समोर
आपण दिलेल्या लढ्याला काहीसं यश आलं यासाठी दोन्ही पक्षाकडून विजय मेळावा आयोजित करण्यात आला. या मेळाव्यात दोन्ही ठाकरे बंधू एकाच मंचावर 20 वर्षांनंतर पहिल्यांदा एकत्र आलेले बघायला मिळाले. ठाकरे बंधूंनी पुकारलेल्या या लढ्याला आता पूर्ण यश येतं की काय? असा प्रश्न निर्माण होत आहे. कारण डॉ. नरेंद्र जाधव यांनी याबाबत सूचक वक्तव्य केलं आहे.
डॉ. नरेंद्र जाधव नेमकं काय म्हणाले आहेत?
“त्रिभाषा धोरणाला राज्यातून विरोधच आहे. त्यामुळे शासनाच्या धोरणानुसार पहिलीपासून हिंदी विषयाची गरज नाही. हिंदीसक्ती पहिलीपासून करण्यापेक्षा पाचवीपासून करावी”, असं त्रिभाषा धोरण समितीचे अध्यक्ष डॉ. नरेंद्र जाधव यांनी म्हटलं आहे. रत्नागिरी येथील पत्रकार परिषदेत त्यांनी संबंधित वक्तव्य केलं. “शालेय विद्यार्थ्यांना तीनही भाषा सक्तीच्या केल्या तर एक ना धड भाराभर चिंध्या अशी अवस्था होईल”, असं स्पष्ट मत नरेंद्र जाधव यांनी व्यक्त केलं आहे. विविध प्रसारमाध्यमांनी याबाबत वृत्त दिलं आहे.सोने, चांदी, पैसे, काहीच सोडलं नाही, जालन्यात चक्क पोलिसाच्याच घरी चोरी, शहरात खळबळ
“बहुसंख्य लोकांनी असं मत व्यक्त केलं की, हिंदी भाषा ही पाचवी पासून असायला हरकत नाही. त्याचबरोबर मी तुम्हाला सांगू इच्छितो की, काही लोकांनी आग्रह धरला की हिंदी पहिलीपासून असली पाहिजे. काही लोकांनी असंही मत मांडलं की, हिंदीचं मराठीवर अतिक्रमण होत आहे ते रोखलं पाहिजे. त्यावर काही लोकांनी असंही मत मांडलं की हिंदी महाराष्ट्रातून लोप पावत चालली आहे. आता या सगळ्यांच्या मतांचा आदर राखून आम्ही स्वीकारली आहेत” असंही नरेंद्र जाधव म्हणाले आहेत.
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा