उपमुख्यमंत्री अजिथ पवारांनी यावेळी आलेल्या अनेक अर्जावर भाष्य केलं. ते म्हणाले की, “खेळाला महत्व देण्याचा निर्णय सगळ्यांनी घेतला. यामध्ये मुख्यमंत्री फडणवीसांसोबतही चर्चा झाली. ज्यांनी अर्ज भरले त्या सगळ्यांनी माघार घेतली. त्यामुळे निवडणूक अधिकाऱ्यांनी सांगितलं अर्ज नसल्यामुळे निवडणूक घेण्याचा प्रश्न नाही. वार्षिक सर्वसाधारण सभा सुरु झाल्यानंतर ठराव मांडला गेला. त्यामध्ये माझी अध्यक्ष म्हणून निवड करण्यात आली. तसेच मी आणि सगळ्यांनी मिळून बाकीच्या सदस्यांची निवड करायची ठरलं”, असं अजित पवार म्हणाले आहेत.

Raigad News: मनसे शहराध्यक्षाला बेदम मारहाण, शिंदेसेनेच्या मंत्र्यावर गंभीर आरोप; नेमकं काय आहे प्रकरण?

“यामध्ये एकूण 60 प्रतिनिधी असतात, त्यापैकी आम्ही 28 जणांची निवड केली आहे. या कार्यकारिणीत कमीत कमी तीन महिला पाहिजे असतात, आता आम्ही 3 महिला घेत आहोत. त्यापैकी आम्ही दोन महिलांची निवड केली आहे. ज्या खेळाच्या प्रतिनिधींना संधी मिळाली नाही, अशा एका महिलेची निवड करण्यात येणार आहे, हे सगळं आम्ही नियमावलीचं पालन करुन केलं आहे”, असंही अजित पवारांनी यावेळी सांगितलं आहे.

दरम्यान, महाराष्ट्र ऑलिम्पिक असोसिएशनच्या वरिष्ठ उपाध्यक्षपदावर मुरलीधर मोहोळांची निवड झाल्याचं अजित पवारांनी यावेळी जाहीर केलं आहे. इतरांच्या निवडीबद्दल मुख्यमंत्र्‍यांशी आणखी चर्चा करुन जाहीर करु असं ते म्हणाले आहेत.

दरम्यान, खेळाला अधिक महत्व देण्याकरता, खेळाडूंना प्रोत्साहन मिळावं यासाठी, संघटनांना येणाऱ्या अडचणी दूर करण्याच्या दृष्टीने क्रिडा विभागाचं सहकार्य घेऊन पुढे काम करणार आहोत. तसंच निधीच्या सुचना येत आहेत, विविध 8 विभाग असल्याने त्यांच्याबद्दलच्या बाबी खेळाडूंसाठी चांगल्या करणं गरजेच आहे. याबद्दल क्रिडा मंत्री माणिकराव कोकाटेंनीही सुचना केल्या आहेत. खेळांडूंच्या हितासाठी पुढील काळात काम करणार असल्याचं यावेळी अजित पवारांनी नमूद केलं आहे.