दहा वाजताच दादर स्टेशनवर

सकाळी दहा वाजताच्या सुमारासच राज ठाकरे दादर रेल्वे स्थानकावर दाखल झाले. यावेळी त्यांच्यासोबत मनसे नेते बाळा नांदगावकर, नितीन सरदेसाई, अनिल शिदोरे यासारखे नेते उपस्थित होते. पश्चिम रेल्वेवरुन चर्चगेटला जाण्यासाठी स्लो लोकल पकडायला ते प्लॅटफॉर्मवर दाखल झाले. यावेळी सुरक्षारक्षकांचा गराडा राज ठाकरेंना होता.
Pune News : मुरलीधर मोहोळ यांची माघार? शुक्रवारी रात्री मोठ्या घडामोडी, हायव्होल्टेज बैठकांनंतर फडणवीसांची भेट घेणार
शनिवारचा दिवस असूनही सकाळच्या वेळी प्रवाशांची प्रचंड गर्दी होती. त्यामुळे प्रवाशांना त्रास होणं टाळण्यासाठी राज ठाकरेंनी प्रतीक्षा करणं पसंत केलं. जवळपास अर्ध्या तासाच्या प्रतीक्षेनंतर राज ठाकरे लोकलमध्ये शिरले. विंडो सीटला बसून राज ठाकरेंनी प्रवास केला. त्यांच्या शेजारीच शिदोरे बसले होते. डब्यात मनसे नेते आणि पदाधिकाऱ्यांची दाटी झाली होती.

तरुणाने ऑटोग्राफ मागितला अन्..

राज ठाकरे दादर रेल्वे स्टेशनवर प्रतीक्षा करत असताना एक तरुण चाहता त्यांच्याजवळ आला. त्याने तिकिटाच्या मागच्या बाजूला राज ठाकरे यांचा ऑटोग्राफ मागितला. राज ठाकरेंनीही हसतमुखाने स्वाक्षरी ठोकली. त्यानंतर तरुणाने दोन वेळा राज ठाकरे यांना ‘आय लव्ह यू’ म्हटलं. त्यावर राज यांनीही स्मितहास्य करत तरुणाचे आभार व्यक्त केले.
Rohit Arya : एकही धार्मिक विधी नाही, रोहित आर्यला पत्नी-मुलासह 5 जणांच्या उपस्थितीत अखेरचा निरोप, मध्यरात्री 2.24 वाजता…
चर्चगेट स्थानकावर पोहोचल्यानंतर राज ठाकरे काही काळ हॉटेलमध्ये थांबत आहेत. त्यानंतर दुपारी एक वाजताच्या सुमारास ते मोर्चात सहभागी होतील.

दरम्यान, ‘मतचोरी’ आणि मतदार यादीतील घोटाळ्यांबाबत निवडणूक आयोगाच्या विरोधात सर्वपक्षीय ‘सत्याचा विराट मोर्चा’ दुपारी १ वाजता फॅशन स्ट्रीट येथून सुरू होऊन मेट्रो सिनेमामार्गे मुंबई महापालिका प्रवेशद्वाराजवळ येणार आहे.