निवडणूक घोळाविरोधात न्यायालयात जाऊ, पण न्यायालयातही न्याय मिळाला नाही, तर जनतेचे न्यायालय सक्षम आहे. जनतेनेच आता जबाबदारी घ्यावी आणि मतचोर दिसला की त्याला लोकशाही मार्गाने फटकवावे, असे सांगतच उद्धव ठाकरे यांनी केंद्रीय गृहमंत्री अमित शहा यांना लक्ष्य केले. संयुक्त महाराष्ट्राच्या चळवळीनंतर महाराष्ट्रात पहिल्यांदाच सगळ्या राजकीय पक्षांची एकजूट झाली आहे. ही केवळ विरोधी पक्षांची नाही, तर लोकशाहीचे नेतृत्व करणाऱ्या पक्षांची एकजूट आहे. आज केवळ ठिणगी बघताय; मात्र या ठिणगीचा वणवा कधीही भडकू शकतो, असे उद्धव म्हणाले. आता जागे राहा, नाही तर ॲनाकोंडा येईल, अशा शब्दांत ठाकरे पुन्हा एकदा शहा यांच्यावर बरसले. मतदार याद्यांबाबत रोज पुरावे येत आहेत. तरीही निवडणूक आयोग काही करत नाही, अशी टीकाही उद्धव ठाकरे यांनी केली.
Raj Thackeray: दुबार-तिबारवाले मतदार आढळल्यास तिथेच फोडून काढा, राज ठाकरेंचा हल्लाबोल; म्हणाले, ‘बडव-बडव बडवायचे आणि…’
त्यांना फोडून काढा
दुबार मतदारांबाबत सगळेच तक्रार करीत आहेत. आता सर्वांची जबाबदारी आहे, की घराघरांत जा, याद्यांवर काम करा. या दुबार मतदारांचे चेहरे कळले पाहिजेत. त्यानंतरही जर समजा दुबार-तिबार मतदार मतदानाला आले, तर त्यांना तिथेच फोडून काढा. बडवून मगच पोलिसांच्या ताब्यात द्या, असे आक्रमक आवाहन मनसे अध्यक्ष राज ठाकरे यांनी केले.

पाच वर्षे झाली, तरी निवडणुका नाहीत. मग आता निवडणूक घेण्याची घाई कशाला? मतदारयाद्या साफ करा. त्या पूर्ण पारदर्शक केल्यानंतर जेव्हा निवडणुका होतील, त्यात यश-अपयश सगळ्या गोष्टी मान्य असतील. मतदारयाद्यांतील घोळांबाबत केवळ आम्ही विरोधी पक्ष नाही, तर सत्ताधारी भाजप, शिंदे गट,अजित पवार गट सगळेच बोलत आहेत, असेही राज ठाकरे म्हणाले.
खोटेपणा सिद्ध करणाऱ्यालाच जेल, शासनाचं मिळतंय संरक्षण, आता जबाबदारी.., शरद पवारांचा एल्गार
आयोगाचे बोगस उत्तर
काँग्रेसचे नेते बाळासाहेब थोरात यांनीही भूमिका मांडली. बोगस मतदार याद्यांबाबत आयोगाने दिलेले उत्तर हे इतिहासातील बोगस उत्तर म्हणून गणले जाईल, असे थोरात म्हणाले. जी मतदार यादी विधानसभा निवडणुकीत वापरली, ती स्थानिक स्वराज्य संस्थांच्या निवडणुकीसाठी वापरू नका, अशी भूमिकाही थोरात यांनी मांडली.