मयताचं नाव गुरुसिद्धप्पा दहीटणे (वय 35, रा. केशेगाव) असं असून, आरोपीचे नाव निखिल कांबळे असं सांगितलं जात आहे. प्राथमिक माहितीनुसार, आरोपी निखिल कांबळे हा बेरोजगार असून, सुमारे 8 ते 10 वर्षांपूर्वी त्याचे वडील दहीटणे यांच्या पानटपरीवर विजेचा शॉक लागून मृत्यूमुखी पडले होते. त्या घटनेपासूनच निखिलच्या मनात गुरुसिद्धप्पा यांच्याविषयी संताप दाटून राहिला होता.

Nagpur News: कार्यालयीन कलह व छळाने महिला अधिकाऱ्याचा मृत्यू, खुर्चीसाठी धुसफूस करणाऱ्या शोभा मुधोळ आरोपांच्या घेऱ्यात

भरचौकात मानेवर कुऱ्हाडीने घाव

पुणे येथे राहत असलेला आरोपी काही कामानिमित्त गावाकडे आला होता. आज अचानक संतापाच्या भरात निखिलने दहीटणे यांच्या टपरीसमोर जाऊन भर चौकात कुऱ्हाडीने मानेवर सलग दोन वार करत त्यांना जखमी केलं. रक्ताच्या थारोळ्यात कोसळलेल्या दहीटणे यांचा जागीच मृत्यू झाला. घटनेच्या थराराने उपस्थित नागरिकांमध्ये एकच आरडाओरड झाली. घटनेची माहिती मिळताच नळदुर्ग व इटकळ पोलिसांनी तात्काळ घटनास्थळी धाव घेत, आरोपीचा शोध सुरू केला. पोलिसांनी तात्काळ गुप्त माहितीच्या आधारे तांदुळवाडी परिसरात पुण्याला जात असताना आरोपी निखिल कांबळे याला अटक केली.

सध्या या प्रकरणाचा तपास नळदुर्ग व इटकळ पोलीस ठाण्याचे पथक करत असून, परिसरात मोठ्या प्रमाणावर पोलीस बंदोबस्त तैनात करण्यात आला आहे. या निर्घृण हत्येमुळे केशेगाव परिसरात भीतीचं व संतापाचं वातावरण पसरलं असून, ‘मानवी संबंधांवर सूडबुद्धीने घेतलेला बळी’ म्हणून ही घटना चर्चेचा विषय ठरली आहे.

Ratnagiri Crime : 80 वर्षीय वृद्धाने आयुष्य संपवलं, चिठ्ठीत ‘त्या’ दोघांची नावं; वृद्धाच्या मृत्यू प्रकरणाला धक्कादायक वळण

हत्या करुन फरार होण्याच्या तयारीत

दरम्यान, आरोपी निखिल कांबळे हा गुरुसिद्धप्पा यांची हत्या करून तो बाईकवरुन निघून गेला. घटनेची माहिती कळताच नळदुर्ग पोलीस स्टेशन व इटकळ औट पोस्टचे पोलीस घटनास्थळी दाखल झाले. पळून जाणाऱ्या आरोपीस पोलिसांनी तात्काळ ताब्यात घेतलं आहे. भरदिवसा घडलेल्या या हत्येमुळे केशेगाव व परिसरात घबराट पसरली आहे. मागील भांडणाच्या वादातून कुरापत काढत हा हल्ला करण्यात आला असल्याचं प्राथमिक स्वरूपात सांगितलं जात आहे. या खुनी हल्ल्याचा सर्व प्रकार सीसीटीव्ही कॅमेर्‍यातही कैद झालं आहे.