अटक करण्यात आलेल्या वृद्धाचे नाव फारुक अल्लाउद्दीन शेख असून, तो मूळचा पुद्दुचेरीचा आहे आणि सध्या लंडनमध्ये कुटुंबासोबत राहतो. शेख दर दोन-तीन महिन्यांनी लंडनहून तळोजा सेक्टर-२० मधील सदनिकेत येत असे. घरकामाच्या निमित्ताने त्याची पीडित मुलीच्या आईशी ओळख झाली होती. ही आई आपल्या १० वर्षांच्या मुलीला आरोपीच्या घरी खेळायला पाठवून देत असे. आरोपी मुलीला मद्य पाजून तिच्यावर अमानुष लैंगिक अत्याचार करत होता. इतकेच नाही, तर कोणालाही सांगितल्यास जीवे मारण्याची धमकीही तो देत असे. हा प्रकार तब्बल दोन वर्षांपासून सुरू होता.
मुंबईत चार नवे कबुतरखाने; सकाळी ‘या’ वेळेतच दाणे टाकण्यास BMCची परवानगी, कुठली जागा ठरली?
नवी मुंबई पोलिसांच्या अनैतिक मानवी वाहतूक प्रतिबंधक कक्षाला या धक्कादायक प्रकाराची माहिती मिळताच, वरिष्ठ पोलिस निरीक्षक पृथ्वीराज घोरपडे, सपोनि योगेश देशमुख, नीलम पवार, सरिता गुडे यांच्या पथकाने तातडीने कारवाई केली. गुरुवारी त्यांनी छापा मारून शेखला ताब्यात घेतले आणि पीडित मुलीची सुटका केली.
Mumbai Local Mega Block: मुंबईकरांसाठी महत्त्वाचे! रविवारी तिन्ही रेल्वेमार्गांवर ब्लॉक, कोणत्या लोकलवर परिणाम? पाहा Timetable
पोलिसांनी पीडितेच्या आईकडे चौकशी केली असता, धक्कादायक माहिती समोर आली. आरोपी शेखने घरभाड्यासाठी पीडितेच्या आईला अडीच लाख रुपये दिले होते. तसेच, दर महिन्याचे रेशनही तो तिला पैशांच्या स्वरूपात देत असे. या पैशांच्या मोहापायी, आई स्वतःच आपल्या मुलीला वारंवार आरोपीच्या घरी पाठवत होती. पैशांच्या लोभात तिने हे अमानुष कृत्य केले.