मृतक पीडित वयोवृद्ध महिला आपल्या शेतावर गेली होती. त्यावेळी तिच्यावर शारीरिक अत्याचार करून दगडाने ठेचून हत्या केल्याचा प्रकार कुटुंबियांना समजल्यानंतर कुटुंबीयांनी शेतावर धाव घेतली. त्यावेळेस वृद्ध महिलाही निपचित पडली होती. कुटुंबीयांनी ही बाब स्थानिक गणेशपुरी पोलिसांना कळविल्यानंतर गणेशपुरी पोलीस ठाण्यात पथक घटनास्थळी दाखल होत त्यांनी मृतदेह उत्तरीय तपासणीसाठी स्वर्गीय इंदिरा गांधी स्मृती रुग्णालय या ठिकाणी आणला. गणेशपुरी पोलिसांसह ठाणे ग्रामीणचे अतिरिक्त पोलिस अधीक्षक अभिनव मित्तल,उपविभागीय अधिक्षक राहुल झालटे यांनी घटनास्थळासह रुग्णालयाला भेट दिली.

Poonam Dixit : एकही दिवस काम केलं नाही, तरी 5 वर्षात दीक्षित मॅडमना 37 लाखांचा पगार, सरकारी नोकरदार नवरोबाची कमाल, प्रकरण काय?

सोने चोरले नाही

या तपासादरम्यान, मृत महिलेवर लैंगिक अत्याचार झाल्याचे स्पष्ट झाले. दरम्यान मृतक वयोवृद्ध महिलेवर शारीरिक अत्याचार व हत्या केल्याप्रकरणी अज्ञात नराधमा विरोधात गुन्हा गणेशपुरी पोलीस ठाण्यात नोंद करून गांभीर्याने तपास सुरू केला आहे. विशेष म्हणजे ही हत्या केल्यानंतर मृत महिलेच्या गळ्या मध्ये असलेले सुमारे पाच ते सहा तोळे सोन्याचे दागिने ही चोरीला गेले नसल्यामुळे ही हत्या चोरीच्या उद्देशाने नसून त्या महिलेवर अत्याचार करून केल्याचा आरोप कुटुंबीयांनी केला आहे. हत्येच्या घटने नंतर त्या परिसरातून तीन जणांना पलायन करताना काही जणांनी पाहिल्याचे माहिती हत्या झालेल्या वृद्ध महिलेच्या मुलाने दिली आहे.

प्रथमदर्शनी पुरावे पाहता वृद्ध महिलेवर सामूहिक अत्याचार करून तिची केलेली हत्या ही अत्यंत निंदनीय घटना आहे. ‘ही घटना समाजासाठी लज्जास्पद आहे. पोलिसांनी तत्काळ शारीरिक अत्याचार व हत्या केल्याचा गुन्हा दाखल करून आरोपींना कठोर शासन करावे’; अशी मागणी सामाजिक कार्यकर्ते वकील संघटनेचे अध्यक्ष अँड किरण चन्ने यांनी केला आहे.