शिवसेनेकडूनही सिंधुदुर्ग जिल्ह्यात जोरदार इनकमिंग सुरू करण्यात आले आहे. अनेकजण आपल्या पक्षावर विश्वास ठेवून आपल्याकडे येत आहेत. आगामी निवडणुकीत तुम्हाला विरोधक काही अमिष दाखवतील कोणी काही सांगेल, पण त्याचा काही उपयोग होणार नाही. काहीही झालं तरी जिल्हा परिषदेचा अध्यक्ष हा शिवसेनेचाच असेल आणि तो राणेसाहेबांच्या विचारांचाचं असेल अशी भूमिका निलेश राणे यांनी कार्यकर्त्यांच्या बैठकीत मांडली आहे.
आगामी निवडणुकांपूर्वी जात वैधता प्रमाणपत्राबाबत महत्त्वाची पावलं, मंत्रिमंडळ बैठकीत सात मोठे निर्णय
32 जागांवरती आमचा अधिकार आहे, आमचे आमदार आहेत आणि जो आमदार असतो तो त्या त्या विभागाचे नियोजन करत असतो. सिंधुदुर्ग जिल्ह्यात जिल्हा परिषद, पंचायत समिती,नगरपंचायत या सगळ्या निवडणुका पुढील काळात आपल्याला शिवसेनेला जिंकवायचे आहे मलाही राणेसाहेबांचा आशीर्वाद आहे अशी भूमिका निलेश राणे यांनी घेतली आहे.

तर याचवेळी मंत्री नितेश राणे यांनीही सिंधुदुर्ग जिल्हा परिषदेचा अध्यक्ष हा भाजपाचा असेल. तो राणेसाहेबांच्याच विचाराचा असेल. आज आमच्याकडे सगळ्या पक्षातून इनकमिंग सुरू आहे. स्थानिक स्वराज्य संस्था या आम्ही स्वबळावर लढणार आहोत. मैत्रीपूर्ण लढती होतील असा विश्वास व्यक्त केला आहे. मुख्यमंत्री देवेंद्र फडणवीस यांनीही स्थानिक स्वराज्य संस्था या भाजपा स्वबळावर लढेल मैत्रीपूर्ण लढत होईल, अशी भूमिका त्यांनी मांडली आहे. चार वर्षांनी होणाऱ्या विधानसभा निवडणुकीसाठी भाजपासाठी स्थानिक स्वराज्य संस्था स्वबळावर लढणे हीच लिटमस टेस्ट असणार आहे. त्यामुळे प्रत्येक मतदारसंघात जिल्ह्यात भाजपच्या नेत्यांनाही आपली ताकद दाखवावी लागणार आहे.

सिंधुदुर्ग जिल्ह्यातील कुडाळ मालवण मतदारसंघातून एकदा शिंदे यांच्या शिवसेनेकडून निवडून गेल्यानंतर निलेश राणे यांनी शिवसेनेचा झंझावात सुरू केला आहे. याच मतदारसंघातून एकेकाळी खासदार नारायण राणे हे निवडून येत असतं. या विधानसभा निवडणुकीत हा मतदारसंघ निलेश राणे यांनी वैभव नाईक यांच्याकडून पुन्हा ताब्यात घेतला त्यांना दत्ता सामंत यांची मोठी साथ मिळाली आहे. निलेश राणे हे रोखठोक स्वभावाचे स्पष्टवक्ते म्हणून म्हणून ओळखले जातात, याच त्यांच्या स्वभावामुळे ते मतदारसंघात वेळप्रसंगी दोन शब्द सुनावायला लागले तरी चालतात पण निधी आणण्यासही ते मागे पुढे पाहत नाहीत, त्यामुळे याचाच प्रत्यय आगामी स्थानिक स्वराज्य संस्थांच्या निवडणुकीत येण्याची शक्यता आहे.

या सगळ्या राजकीय घडामोडींच्या पार्श्वभूमीवरती आगामी स्थानिक स्वराज्य संस्थांच्या निवडणुकीत निलेश राणे विरुद्ध नितेश राणे असा राजकीय संघर्ष पाहायला मिळण्याची शक्यता अधिक वाढली आहे. राजकीय संघर्ष पाहायला मिळणार असला तरीही निलेश राणे यांनी नितेश राणे यांच्या पाठीमागे खंबीरपणे उभे राहत शिवसेनेत असतानाही थोरल्या भावाची भूमिका अनेकदा बजावली आहे. नितेश राणे यांच्यावर मध्यंतरी झालेल्या खालच्या स्तरावरील टीकेला निलेश राणे यांनी पुढे सरसावत चोखपणे उत्तर दिल होते, इतकंच नाही तर अलीकडे राजन तेली यांच्या शिवसेनेतील प्रवेशानंतर ही नितेश राणे यांना मदत करत थोरल्या भावाची भूमिका बजावली आहे. मात्र आगामी निवडणुकीत अपरिहार्य असलेला हा राजकीय संघर्ष ही तितकाच पाहायला मिळू शकतो, असे संकेत या दोन्ही बंधूंनी दिले आहेत.