मिळालेल्या माहितीनुसार, 24 ऑक्टोंबर 2025 च्या रात्री 8 वाजताच्या सुमारास मृत रविकांत जातव, वय 35 रा. धवलपुर, राज्य राजस्थान, सध्या मुक्काम तीर्थपुरी तालुका घनसावंगी जिल्हा जालना, हा आपल्या कुटुंबासोबत जेवण केलं. जेवण झाल्यानंतर तो बाहेर फिरायला निघाला. त्यावेळी रस्त्यातच फरशीवर पाणी सांडलं होतं, ते पाणी तो ओलांडून जात असताना त्याचा पाय घसरला. पाय घसरुन तो दुसऱ्या मजल्यावरून थेट खाली पडला. दुसऱ्या मजल्यावरुन खाली असलेल्या रोड पडून तो डोक्यावर आणि तोंडावर आदळला. रविकांत खाली पडल्यानंतर त्याची पत्नी आणि आसपासच्या रहिवाशांनी त्याच्याकडे धाव घेतली.
फळ-भाजी खरेदी करताना दोघांकडून अपहरण, अल्पवयीन तरुणीसोबतच्या भयंकर कृत्याने नागपुरात संताप; कुख्यात गुंडाने…
तात्काळ त्याला तीर्थपुरी येथील ग्रामीण रुग्णालयात उपचारासाठी दाखल केलं. यावेळी तेथील डॉक्टरांनी त्याच्यावर उपचार करण्यास सुरुवात केली, मात्र तोपर्यंत फार उशीर झाला होता. त्याच्या डोक्याला आणि तोंडाला तसंच शरीरावर इतर ठिकाणी मार लागल्याने अतिरक्तस्राव झाला. यातच त्याचा मृत्यू झाला. उपचारादरम्यान डॉक्टरांनी त्याला मृत घोषित केलं.

याबाबत तीर्थपुरी पोलीस ठाण्यात संबंधित डॉक्टरांनी माहिती दिली. तीर्थपुरी पोलीस ठाण्याची टीम ग्रामीण रुग्णालयात दाखल झाली. मृतदेहाची पाहणी करत पंचनामा केला असून सदर घटनेची नोंद पोलीस ठाण्यात घेण्यात आली असून याप्रकरणी आकस्मित मृत्यूची नोंद करण्यात आली आहे, अशी माहिती तीर्थपुरी पोलीस ठाण्याचे ठाणे अंमलदार योगेश गायके यांनी दिली. त्यानंतर तरुणाचा मृतदेह कुटुंबियांकडे सोपावण्यात आला आहे.