Satara Lady Doctor Death Case: कर्ज काढून लेकीला डॉक्टर केलं आणि ती अशाप्रकारे सोडून गेली. वडिलांची अवस्था बिकट, कुटुंबाचे रडून रडून हाल झाले.
गरीब कुटुंबातून आलेल्या या डॉक्टरच्या वडिलांनी कर्ज काढून आणि पैशांची बचत करून आपल्या मुलीला डॉक्टर बनवले होते. दररोज डझनभर मृतदेहांचे शवविच्छेदन करणारी त्यांची मुलगी इतकी निराश आणि हताश कशी झाली या प्रश्नाचं उत्तर कुटुंबाला सापडत नाहीये.
महिला डॉक्टरचे वडील आणि भाऊ शेतकरी आहेत. बहिणीला डॉक्टर बनवता यावे म्हणून भावाने वडिलांना शेतीत मदत करण्यासाठी शिक्षण सोडले. तर धाकटा भाऊ अजूनही शिक्षण घेत आहे. 
Satara Crime: सातारा महिला डॉक्टर मृत्यू प्रकरणात मोठी अपडेट! हातावर नाव असलेल्या PSI गोपाल बदनेचं आत्मसमर्पण
मृत डॉक्टर तरुणी ही कुटुंबात सर्वात मोठी होती. तिने तिचे प्राथमिक शिक्षण जिल्हा परिषद शाळेत घेतले आणि दहावी पूर्ण केल्यानंतर, डॉक्टर होण्यासाठी कठोर परिश्रम केले. NEET परीक्षा यशस्वीरित्या उत्तीर्ण झाल्यानंतर, तिने जळगाव मेडिकल कॉलेजमध्ये MBBS मध्ये प्रवेश घेतला. 2022 मध्ये, ती डॉक्टर झाली. कुटुंब आनंदात होते. पण कोणाला माहित होते की डॉक्टर झाल्याच्या फक्त तीन वर्षातच तिचा जीव घेईल.
मृत महिला डॉक्टर ही गेल्या 23 महिन्यांपासून सातारा जिल्ह्यातील फलटण येथील उपजिल्हा रुग्णालयात काम करत होती. ग्रामीण भागात सेवेसाठी तिचा बॉन्ड कालावधी पूर्ण होण्यासाठी फक्त एक महिना शिल्लक होता. पण, त्याआधी तिने हे टोकाचे पाऊल उचलले. यापूर्वी तिने साताऱ्यातील महाबळेश्वरमध्ये सहा महिने सेवा बजावली होती. त्यांच्या मुलीच्या मृत्यूला जबाबदार असलेल्यांना फाशीची शिक्षा देण्यात यावी अशी मागणी कुटुंबाने केली आहे.Satara News: माझ्यावर चार वेळा अत्याचार, मानसिक त्रास; हातावर दोन पोलिसांचं नाव लिहून महिला डॉक्टरने जीव दिला, सातारा हादरलं
महिला डॉक्टरच्या चुलत भावाने आरोप केला आहे की तिला खोटे वैद्यकीय प्रमाणपत्र तयार करण्यास भाग पाडले जात होते. तिने याबाबत पोलीस अधीक्षक आणि पोलीस उपअधीक्षकांना पत्र लिहून तक्रार केली होती, मात्र कोणतीही कारवाई झाली नाही, ज्यामुळे तिला प्रचंड मानसिक ताण येत आहे.
तिने माझ्या भावाल लग्नाची मागणी टाकली होती, प्रशांतच्या बहिणीचा दावा
दरम्यान, महिला डॉक्टरच्या आत्महत्येप्रकरणी अटक करण्यात आलेल्या प्रशांत बनकरच्या बहिणीने या प्रकरणात धक्कादायक माहिती दिली आहे. तिने दावा केला की काही दिवसांपूर्वी महिला डॉक्टरने तिच्या भावाला लग्नासाठी प्रस्ताव दिला होता. तिला प्रशांतशी लग्न करायचे होते, परंतु तिचा भाऊ त्यासाठी तयार नव्हता.
लेखकाबद्दलनुपूर उप्पलनुपूर विकास उप्पल, महाराष्ट्र टाइम्स ऑनलाईनमध्ये सिनियर डिजिटल कंटेंट प्रोड्युसर पदावर कार्यरत आहेत.गेल्या तीन वर्षांपासून महाराष्ट्र टाइम्स ऑनलाईनसोबत काम करत आहे. राष्ट्रीय, गुन्हेगारी, राजकीय, हटके स्टोरीज या विषयांचं लिखाण करण्यात हातखंडा आहे. घटनेचं विश्लेषणात्मक लिखाण करण्यात रस. गेल्या 9 वर्षांपासून पत्रकारिता क्षेत्रात काम करत असून यापूर्वी टीव्ही ९ मराठी, साममध्ये कामाचा अनुभव आहे. यशवंतराव चव्हाण मुक्त विद्यापीठातून बॅचलर ऑफ मास कम्युनिकेशन अँड जर्नालिझमचं शिक्षण घेतलं आहे.… आणखी वाचा