आत्महत्या केलेल्या मृत महिला डॉक्टरच्या बहिणीने हा खळबळजनक आणि गंभीर स्वरूपाचा आरोप केला असून आता या दाव्याने प्रकरणाला नवीन वळण लागण्याची दाट शक्यता आहे. मृत डॉक्टरच्या बहिणीने सांगितलं, की आत्महत्या करण्यापूर्वी डॉक्टरने सुसाईड नोट लिहून ठेवली असेल. मात्र ती गायब केली आहे. ती देखील समोर आली पाहिजे. त्यामध्ये सर्वच लोकांची नाव असतील. या प्रकरणांमध्ये राजकारण येता कामा नये. आमच्या बहिणीला न्याय मिळाला पाहिजे, अशी अपेक्षा यावेळी माध्यमांशी बोलताना व्यक्त केली आहे.
Satara Crime: भावाने शिक्षण सोडलं, शेतकरी बापाने कर्ज घेत लेकीला डॉक्टर केलं; साताऱ्यातील महिला डॉक्टरच्या मृत्यूने कुटुंब उद्ध्वस्त
तसंच माझ्या बहिणीवर अनेक प्रकरणांमध्ये तिला वारंवार दबाव आणून खोटे पोस्टमार्टम रिपोर्ट बनवून घेतले जात होते किंवा बनवण्यासाठी भाग पाडलं जात होतं. मात्र ती चुकीचं काम न करता चांगलं काम करत असताना कुणीतरी तिला दबाव टाकून चुकीचं काम करण्यास भाग पाडत होतं, असं देखील मृत महिला डॉक्टरच्या बहिणीने सांगितलं. तर या प्रकरणात जे कुणी यामागे आहे त्यांना शासन झालं पाहिजे, अशी मागणी डॉक्टरच्या कुटुंबियांनी केली आहे.

आत्महत्या केलेल्या डॉक्टरच्या वडिलांनी आपल्या मुलीला न्याय मिळावा अशी मागणी केली आहे. ते म्हणाले, ‘माझ्या मुलीला न्याय मिळाला पाहिजे. ज्यांनी माझ्या मुलीला संपवलं आहे त्यांना फाशी झाली पाहिजे. दरम्यान, साताऱ्याच्या फलटण शासकीय रुग्णालयामध्ये कार्यरत असलेल्या महिला डॉक्टरने गुरूवारी आत्महत्या केली. फलटणमधील एका हॉटेलमध्ये तिने गळफास घेत स्वतःचं आयुष्य संपवलं.