नालासोपारा पूर्वेकडील पेल्हार परिसरातील रशीद कंपाऊंड परिसरात एका कारखान्यात छुप्या पद्धतीने मेफेड्रोन (एम.डी. ड्रग्स) हे अमली पदार्थ तयार केले जात असल्याची माहिती टिळकनगर पोलीस ठाण्यात मिळाली. ही माहिती त्यांना अमली पदार्थाच्या गुन्ह्यासंदर्भात सुरू असलेल्या तपासादरम्यान मुंबई पोलिसांना दिली गेली होती. मिळालेल्या माहितीच्या आधारे मुंबई पोलिसांच्या अँटी- नार्कोटिक्स विभागाने पेल्हार येथील राशीद कंपाउंड परिसरात छापा टाकला.

धावत्या रेल्वेपुढे रील बनवत होते, गाडी खाली चिरडले गेले, दोन मित्रांचा एकत्र अंत, जळगाव सुन्न
सदर ठिकाणी कारखाना थाटून त्यात मेफेड्रोन म्हणजेच एमडी ड्रग्स अमली पदार्थ तयार केला जात असल्याचे आढळून आले. पोलिसांनी कारवाई करत मेफेड्रोन ड्रग्स हा अमली पदार्थ तयार करण्यासाठी लागणारे साहित्य, कच्चा माल, अमली पदार्थाचा जप्त केला आहे. तब्बल 14 कोटी रुपये किमतीचे अमली पदार्थ, पदार्थ तयार करण्यासाठी लागणारे साहित्य असा मुद्देमाल पोलिसांनी जप्त केल्याची माहिती समोर आली असून अद्यापही कारवाई सुरू आहे.

रॅकेटमागील सूत्रधाराचा शोध

दरम्यान, नुकतेच 23 ऑक्टोबरला मुंबई पोलिसांच्या अंमली पदार्थ विरोधी पथकाने (एएनसी) संयुक्त अरब अमिराती (यूएई) मध्ये 256.49 कोटी रुपयांच्या मेफेड्रोन रॅकेटमागील कथित सूत्रधाराचा शोध लावला आहे. आरोपी मोहम्मद सलीम शेख याच्याविरुद्ध रेड कॉर्नर नोटीस जारी करण्यात आली असून त्याला भारतात आणण्याचे प्रयत्न सुरू आहेत, असे अधिकाऱ्यांनी गुरुवारी सांगितले.

समृद्धी महामार्गावर भराव ढासळला, महाराष्ट्राच्या ‘ड्रीम प्रोजेक्ट’च्या गुणवत्तेचं पितळ उघडं, सुरक्षिततेवर प्रश्नचिन्ह

महाराष्ट्रातील सर्वात मोठ्या ‘सिंथेटिक ड्रग्ज नेटवर्क’पैकी एकाचे नेतृत्व केल्याचा आरोप असलेला शेख गेल्या वर्षी मुंबईत पोलिसांनी मोठ्या प्रमाणात केलेल्या कारवाईचा पर्दाफाश केल्यानंतर लगेचच अंडरग्राऊंड झाला होता. तपासकर्त्यांनी सांगितले की त्याने अनेक जिल्ह्यांमध्ये मेफेड्रोनच्या बेकायदेशीर उत्पादन आणि तस्करीचा पुरवठा करण्यात महत्त्वाची भूमिका बजावली होती.