सेवानिवृत्त प्राध्यापक रामराव माने (वय 71) व त्यांच्या पत्नी विधीज्ञ एडवोकेट रत्नमाला साळुंखे माने (वय 64 राहणार नंदनवन कॉलनी) असे दांपत्याचे नाव होते. डॉक्टर रामराव माने हे डॉक्टर बाबासाहेब आंबेडकर मराठवाडा विद्यापीठामध्ये प्राध्यापक होते काही वर्षांपूर्वीच ते सेवानिवृत्त झाले. तर त्यांच्या पत्नी या विधीज्ञ होत्या. पडेगाव येथील त्यांच्या एका नातेवाईकाचे नुकतेच निधन झाले होते. यामुळे नातेवाईकांची भेट घेऊन त्यांचे सांत्वन करण्यासाठी माने दांपत्य पडेगावमध्ये गेले होते. तिथून परत येताना, ते एकमेकांचा हात धरून रस्ता ओलांडत होते, त्याच वेळी एका भरधाव चारचाकी वाहनाने दोघांना धडक दिली. ये धडकेमुळे दोघेही दूर फेकले गेले, आणि दोघांना गंभीर जखमही झाली. यानंतर त्यांना तातडीने रुग्णालयात दाखल करण्यात आले होते. परंतू, तिथे पोहचताच डॉक्टरने त्यांना मृत घोषित केले.

पायात चप्पल तशीच, चेहऱ्यावर चावा घेतल्याच्या जखमा; उल्हास नदीत तरुणाची बॉडी, गूढ सुटेना

दोघे एकमेकांचा हात धरून रस्ता ओलांडत असताना भरधाव चार चाकीने दोघांना उडवले. या भीषण अपघातात दोघेही दूरवर फेकले गेले. यात दोघेही गंभीर जखमी झाले होते. त्यांना रुग्णालयात दाखल केली असता डॉक्टरांनी तपासून मृत घोषित केले. त्यांच्या पार्थिवावर धाराशिव येथील रुईभर येथे अंत्यसंस्कार होणार आहेत.

विद्यार्थ्यांना दत्तक घेणारा शिक्षक हरपला…

प्राध्यापक डॉक्टर रामराव माने हे नोकरीत कार्यरत असताना त्यांनी अनेक विद्यार्थ्यांना अडचणीच्या काळात मदत केली. विद्यार्थ्यांची अडचण शैक्षणिक असो अथवा आर्थिक दोन्ही अडचणी समजून घेऊन सरळ हाताने माने यांनी मदत केली. यामुळे आर्थिक परिस्थिती नाजूक असणाऱ्या अनेक विद्यार्थी स्वतःचे स्वप्न पूर्ण करू शकले. रामराव माने यांच्या निधनामुळे शिक्षण व सामाजिक क्षेत्रात हळहळ व्यक्त केली जात आहे.