पोलीस तपासानुसार, दिपाली सुदर्शन जाधव (वय 30, रा. कटफळ, ता. बारामती) हिचा विवाहबाह्य प्रेमसंबंध असल्याचा संशय तिच्या पतीला होता. त्यावरून 12 ऑक्टोबर 2025 रोजी सकाळी घरगुती वाद वाढत गेला आणि रागात आरोपी पती सुदर्शन ऊर्फ रविराज रणजित जाधव (वय 36) याने पत्नीच्या डोक्यात लोखंडी वस्तूने प्राणघातक हल्ला करून तिचा खून केला. खून केल्यानंतर पुरावा लपविण्यासाठी आरोपीने पत्नीचा मृतदेह ब्लँकेटमध्ये गुंडाळून त्याच्या ज्युपिटर दुचाकीवर ठेवला आणि तो मृतदेह भिगवण-बारामती रस्त्यावरील मदनवाडी गावाजवळील ओढ्याच्या पुलाखाली फेकून दिला.

महिला डॉक्टर मृत्यू प्रकरण; घरची परिस्थिती हलाखीची, आई-वडील शेतकरी; जिद्दीनं डॉक्टरकीचं शिक्षण केलं, दिवाळीत घरी जाण्याआधीच आयुष्य संपवलं

गोंदणामुळे सुगावा..!

22 ऑक्टोबर रोजी स्थानिक पोलीस पाटील नानासाहेब वणवे यांनी पुलाखाली ब्लँकेटमध्ये बांधलेला मृतदेह आढळल्याची माहिती पोलिसांना दिली. मृतदेह कुजलेल्या अवस्थेत होता आणि डोक्याची कवटी फुटलेली होती. मात्र, हातावर ‘Raviraj’ असं गोंदण असल्यानं पोलिसांनी त्यावरून ओळख पटवली. भिगवण पोलीस स्टेशन आणि पुणे ग्रामीण स्थानिक गुन्हे शाखेने संयुक्त तपास सुरू केला. तपासादरम्यान सुदर्शन जाधव याने पत्नी बेपत्ता असल्याची तक्रार 12 ऑक्टोबर रोजी बारामती पोलीस स्टेशनला दिली होती. परंतु चौकशीत त्याच्या उत्तरात विसंगती आढळल्यानं पोलिसांनी त्याची कसून चौकशी केली. शेवटी सुदर्शनने पत्नीचा खून केल्याची कबुली दिली. आरोपी सुदर्शन ऊर्फ रविराज रणजित जाधव याला अटक करून न्यायालयात हजर केले असता, 31 ऑक्टोबर 2025 पर्यंत पोलrस कोठडी देण्यात आली आहे.

बॉयफ्रेंडच्या हल्ल्यात गंभीर जखमी झालेल्या मुंबईतील तरुणीने प्राण सोडले; एका शंकेनं घेतला दोघांचा जीव

ही कारवाई विशेष पोलीस महानिरीक्षक सुनिल फुलारी (कोल्हापूर परिक्षेत्र) यांच्या मार्गदर्शनाखाली, पुणे ग्रामीण पोलीस अधीक्षक संदीपसिंह गिल्ल, अपर पोलीस अधीक्षक गणेश बिरादार, आणि उपविभागीय पोलीस अधिकारी मधुकर भट्टे यांच्या सूचनेनुसार पार पाडण्यात आली. या प्रकरणी स्थानिक गुन्हे शाखेचे पोलीस निरीक्षक अविनाश शिळीमकर, भिगवण पो.स्टे.चे स.पो.नि. विनोद महांगडे, तसेच इतर अंमलदारांनी उल्लेखनीय कामगिरी बजावली आहे.