सदर आत्महत्येनंतर सापडलेल्या चिठ्ठीमध्ये सहआरोपी नाना एकनाथ कोरडे व महेश गोपीनाथ मांडवकर (दोघेही रा. अलिबाग ) यांच्याकडून सातत्याने मानसिक त्रास व दबाव आल्याचा उल्लेख करण्यात आला आहे. त्याआधारे वरुडे यांच्या पत्नी अश्विनी ज्योतिराम वरुडे (वय ४७) यांनी २० ऑक्टोबर रोजी रात्री ९ वाजता अलिबाग पोलिस ठाण्यात दोघांविरोधात गुन्हा दाखल केला आहे.
नागपूर महापालिकेत बांधकाम परवानगी व फायर एनओसीसाठी खंडणी? आमदार विकास ठाकरेंचा धक्कादायक दावा, म्हणाले ‘प्रशासकाच्या काळात…’
फेब्रुवारी २०२५ मध्ये जिल्हा परिषदेच्या महिला व बाल विकास विभागात उपमुख्य कार्यकारी अधिकारी निर्मला कुचिक यांनी आर्थिक अपहाराची तक्रार दिली होती. त्यानंतर वरुडे, कोरडे आणि मांडवकर यांच्याविरोधात गु.र.नं. ३३/२०२५, भारतीय दंड संहिता कलम ३१८(४) अंतर्गत गुन्हा दाखल करण्यात आला होता.
ज्योतिराम वरुडे हे सहआरोपींना भेटण्यासाठी अलिबागमध्ये आले असता, त्यांनी विद्यानगर येथील मेव्हण्याच्या घरी विषारी औषध सेवन केले. त्यानंतर त्यांना उलट्या होऊ लागल्याने पत्नी आणि मुलाने जिल्हा शासकीय रुग्णालय, अलिबाग येथे दाखल केले. मात्र २० ऑक्टोबर रोजी सकाळी ६.२७ वाजता उपचारादरम्यान त्यांचा मृत्यू झाला.

प्रकरणातील आणखी एक महत्त्वाचा मुद्दा म्हणजे, फिर्यादी अश्विनी वरुडे यांचा मोबाईल नंबर पोलिस DCR मध्ये नोंदवण्यात आलेला नाही. त्यामुळे प्रसारमाध्यमे, सामाजिक कार्यकर्ते आणि संबंधित अधिकाऱ्यांपासून त्यांना दूर ठेवण्याचा प्रयत्न केला गेला, अशी चर्चाही सुरू आहे.

हा प्रकार केवळ आर्थिक घोटाळ्यापुरता मर्यादित न राहता, मानसिक त्रास, दबाव आणि आत्महत्या यांचे गंभीर परिणाम दाखवणारा ठरला आहे. आता या प्रकरणाची पारदर्शक व सखोल चौकशी करून दोषींवर कठोर कारवाईची मागणी नागरिकांमधून होत आहे.