उपजिल्हाधिकारी आणि अपर जिल्हाधिकारी संवर्गातील अधिकाऱ्यांचा यात मोठा सहभाग असतो. त्यांच्या पदोन्नतीमुळे आणि बदल्यांमुळे ही कामे अधिक वेगाने होतील. पदोन्नतीच्या पदाचा कार्यभार स्वीकारल्याच्या तारखेपासून त्यांना नवीन वेतनश्रेणी लागू होईल. अनेक वर्षांपासून प्रलंबित असलेला अधिकाऱ्यांचा पदोन्नतीचा प्रश्न आता मार्गी लागला आहे. यामुळे कामाला गती मिळेल असा विश्वास व्यक्त होत आहे.
Nashik Politics: भुजबळांविरोधात शिंदेंचे कांदेंना बळ; जिल्हा परिषदेत राष्ट्रवादी विरुद्ध शिवसेनेचा संघर्ष
या बढतीमुळे अनेक अधिकाऱ्यांचे आयएएस होण्याचे स्वप्न पूर्ण होण्याचा मार्ग खुला झाला आहे. नाशिक जिल्ह्यासह विभागात कार्यरत असलेल्या अनेक अधिकाऱ्यांना पदोन्नती मिळाली असून, त्यांची नियुक्ती राज्यात वेगवेगळ्या शहरांमध्ये करण्यात आली आहे. यामध्ये नाशिकरोड येथील विभागीय आयुक्त कार्यालयात उपायुक्त म्हणून कार्यरत प्रज्ञा बढे-मिसाळ, करमणूक कर उपायुक्त राणी ताटे, अमळनेरचे उपविभागीय अधिकारी नितीनकुमार मुंडावरे आणि जिल्हाधिकारी कार्यालयातील प्रशासन उपजिल्हाधिकारी तुकाराम हुलवळे यांचा समावेश आहे.
​​वन्य प्राण्यांच्या हल्ल्यात शेतकऱ्याचा जीव गेल्याची अफवा; तपासात वेगळंच कारण समोर, ‘त्या’ रात्री काय घडलं?

पदोन्नती मिळालेले अधिकारी आणि नियुक्तीचे ठिकाण

प्रज्ञा बढे-मिसाळ (अध्यक्ष, जात पडताळणी समिती, नाशिक)
सुहास मापारी (प्रशासकीय अधिकारी, मुख्यमंत्री कार्यालय)
सरिता नरके (अध्यक्ष, जात पडताळणी समिती, सांगली)
डॉ. राणी ताटे (अध्यक्ष, जात पडताळणी समिती, सोलापूर)
वासंती माळी (सहआयुक्त विभागीय आयुक्त कार्यालय, अमरावती
तुकाराम हुलवळे (अपर जिल्हाधिकारी, सिडको, नवी मुंबई)
नीलेश जाधव (सहआयुक्त विभागीय आयुक्त कार्यालय, नाशिक)
नितीनकुमार मुंडावरे (अपर जिल्हाधिकारी मुंबई महानगर प्रदेश विकास प्राधिकरण)
रमेश मिसाळ (अपर जिल्हाधिकारी, जालना)