वाहतूक कोंडी कमी करण्यासाठी काम सुरू

मुंबई-बेंगळुरू राष्ट्रीय महामार्गावरील वाहतूक कोंडी कमी करण्यासाठी मुठा नदीच्या दुतर्फा सेवा रस्ता विकसित करण्यात येत असून, गर्डर टाकण्याचे काम सुरू आहे. वडगाव बुद्रुककडून वारजेकडे जाताना मुठा नदीच्या उजव्या बाजूचा पूल डिसेंबर 2025 पर्यंत पूर्ण होणार आहे. शिवाय मुठा नदीच्या डाव्या बाजूचा पूल मार्च 2026 पर्यंत पूर्ण होणार आहे. लवकरच येथील सेवा रस्ता वाहतुकीसाठी खुला करण्यात येणार असल्याची माहिती राष्ट्रीय महामार्ग प्राधिकरणाचे प्रकल्प संचालक संजय कदम यांनी दिली.
Vande Bharat Delay : वंदे भारत 7 तास उशिराने; ऐन दिवाळीत प्रवासी खोळंबले, इतके पैस भरुनही प्रवासहाल

मुठा नदीच्या दुतर्फा सेवा रस्ता विकसित करण्याचं काम सुरू

वडगाव बुद्रुक, नन्हे, आंबेगाव बुद्रुक आणि वारजे या परिसरातून महामार्ग गेलेला आहे. त्यामुळे परिसरातील नागरिकांना वाहतुकीसाठी याचा फायदा होत आहे. परंतु दिवसेंदिवस वाहतूक कोंडीचा प्रश्न बिकट होत चालला आहे. या भागातील राष्ट्रीय महामार्गाच्या दुतर्फा सेवारस्ता अखंडित नसल्यामुळे वाहनचालकांना राष्ट्रीय महामार्गावरून प्रवास करावा लागत आहे. सेवा रस्ते अखंडपणे विकसित झाल्यास परिसरातील नागरिकांना यासाठी महामार्गावर जाण्याची गरज भासणार नाही. त्यामुळे महामार्गावरदेखील वाहतूक कोंडी होणार नाही. सेवा सुरू झाल्यास वाहतूक कोंडीचा त्रास कमी होणार आहे.

पुलावरून वारजेकडे जाताना मुठा नदीवरील पूल अरुंद असल्यामुळे सकाळी आणि सायंकाळी मोठ्या प्रमाणात वाहतूक कोंडी होते. सातत्याने या पुलाजवळ होणारी वाहतूक कोंडी लक्षात घेता राष्ट्रीय महामार्ग प्राधिकरणाने पुलाचे काम लवकरात लवकर सुरू करावं, अशी मागणी मनसे वाहतूक सेना, शिवाजी मते यांनी केली आहे.